Onamibia iroimwe romahi o-123 mOmbongarero yOmihiko Omikutasane yAkauriri ndi ra yandjere eraka kombepo yokutja Omihoko Omikutasane riyakure ombepo yotjisuta komazundiro wohuurire muwo mu mwari omaumune wovakutaerwa va Afrika mba umwa nav e tuurungiriswa okuvare kwa Atlantica oku ka randisiwa otjovakare kOmakoverwahi wa Europa na America. 

Operesidenda ya Ghana, John Mahama, eye nai Oruuano rwa Africa ngu rwa urika otjo mutwe wondanga mezuko waro mepu ro kutja omauhazendu wohuurire, mumuna wina omaumine yovakwatera va Afrika okuza mOafrica, yeririsiwe ongatukiro moveta youye. Mouhazendu imbwi wina ma mu wire ohuure ya South West Africa, rutenga iyEhi rOvandoitji nu tjazumba iyo tjihoromende tjombangu tja South Africa. Moruveze rohuurire ya Namibia iyEhi rOvandoitji tji pa tjitwa OtjiÞiro Otjindjandja  nOvakuena. Otjo wina tji ma tjiyenene wina okuwira kehi yombembo indji ndja hitisirwe na iyakurwa iyOmbongarero yOmihoko Omikutasane. 

Ehi rOvandoitji irimwe romahi ngehina yayandjere eraka raro mepu indi punaindo Oruuano rwa Europa aruhe oro muriri okaņepo. Omahi nge hayandjere eraka o-52 ngunda yetatu Oamerica, Osraela na Oargentina aya yandjere omaraka wo ku nakaura ombepo indji. 

Ehi rOvandoitji okuhina okuyandja eraka kombepo indji otja nandarire kongurameno yaro tjikweya kOtjiÞiro Otjindjandja tjOvaherero, Ovambandero nOvakuena oro nai otja kOmaraisiro wApamwe na Namibia nge tjiukwa  kutja Ojoint Declaration (OJD) oro puyesa omaitaveraraseneno uriri woundu poo moporotika nu ngwari ngeheri moveta. Tjimuna omahi omengi omakwao ngahuurire Ehi rOvandoitji rinongendo rokutja tji ra itavere kombepo indji harukru tjapo mayiu. ngurisiwa moveta okuri kongorera movitukaungura vyaro oruveze rohuurire mumuna Otjitiro Otjindjandja. Tjinga oro nai ari pandera pokutja Otjitiro Otjindjandja tji tja tjitirwe tjandje kapena oveta ndjaa itji tjayere poo oku tjitjurura. Okutja ndoovazu ndinondi pee kukarara oveta ndji ma itjirura ouhazendu imbo kaina kuungurisiwa komauhazendu worukapitaveze. 

Ombepo indji tjaa ihungirirwa tkandje wina ohuure nomaumino yovakwatera va Afrika maizemburukwa otja tji izemburukua ombura iahe tjiyeri 25 ku Seninarindi. Mombuze ye yoamzemburukiro inga otjiuru tjehi tja Namibia, Netumbo Nandi- Ndaitwah paraisire oruyameto kuro nawina oruvara kombepo ndja twiirwe kotjiriro mOmihoko Omikutasane iyOperesidenda ya Ghana. Nasasaneke omauhazendu womaumino kOtjiÞiro Otjindjandja. Omueze tjingewo imbwi womazemburukiro waimba mbata no ku ihamisiwa iyo maumino wovakuatera va Afrika, ozondekurona otji ze zemburuka ovaÞi novakuru vazo morumbo rwa katjombonÿi rwa Tjozondjii. Omayuva womasuviro inga tjingetjo otji ma zetjiti.