OSHAKATI – Elelo lodoolopa laShakati ola yandja eshiivifo moshiwana kutya onhele yomalihafifo nomuuhalo mOshakati otai kakala ya pata manga pokafimbo. 

Edi oda yandja komuyandji wouyelele unasha noinima yomeni lodoolopa Martin Kapuka, kutya ovakwashiwana eshi vali ve ya kefudo laDesemba ova fiya onhele ya kaka, no tai ka wapalekwa moule wefimbo okudja momafiku 07 -30 Januali 2026. 

“Onhele ohai longifwa unene kovakwashiwana oku kala omutumba momudile wa hapa nawa, oshoyo oku nangala no ku fudapo pokangwena ka talala nawa,” ta ti. 

Okwa twikila kutya Desemba okwa li ehadi neenghono, novanhu vahapu, oku dja kovakalimo vo meni lodoolopa, ile ava vadja keedolopa dayooloka nokoilongo yokokule, noha veya okuu hala monhele omo kwali. 

“Aveshe ava ova li ha veya oku uhala monhele omo pamwe novapembele vavo, oshoyo pamwe nova holike vavo,” Kapuka ta hokolola. 

Okwa ti elelo doolopa paife ole li pyakidila noku eta onhele yomali hafifo omwenyo natango. 

“Ova wapaleki ove li pyakidila noku teta oumuti ovo va lokwa nova, mena omafo, oku teta ongwena oyo yamena shapitilila i dule okukala yafika pamwe, yoo itwikile noku monika nawa, oshoyo oimbapila nomakako aeshe ali a fiwa mo kovakwashiwana pefimbo lomalihafifo,” ta ti. 

Pefimbo lewapaleko ova kwashiwana ova kunghililwa vaha endemo fiyo ovanambelewa tava mane oku longa oilonga yavo yokuwapaleka, 

vadule okumana poilonga yavo pefimbo. 

Onhele ei oili ongudi ya kula kodoolopa yaShakati, shaashi oyo hai eta omwenyo kodoolopa. 

Monhele ohamu ningilwa oinima ihapu ngaashi oitufi oyo hai dulu oku yandjasha moshikefa shodoolopa, okufanekelwa nosho tuu. 

Elelo doolopa ota li pula ovakalimo veli didimike moule wokafimbo onhele tai wapalekwa, voo vafimaneke ava tava wapaleke, vaha kake omudingonoko. 

taimihaihambo2000@gmail.com