Otjiuarongo tjorutenda omayuva womasuviro inga ma tji serua ondaya yOrujano rua Kristu.
Ombongo ndja hanika motupa tuvari rumue romuhonge Karokohe na ruarue nduari rua Clark Kandjavere, bguatire ombura indji, otjikando otjitenga kombunda yo ma paukiro wayo ozombura kaatjondumba okueya pamue okutia okupa omuute wayo omuyaruke Omuhonge Omunene Reinhard Ruzo ondjozikiro ya katjotjiri ndji hina ohaṋi no tjavivi. Tjima i zemburuka ozombura zonḓiro ye. Tji tjiri otji tjitua tji ma tjikayenda wina puna omakutjiruriro wonguyu ko ngungu ye mOtjiwarongo ma suvisiwa mo-1975 tjaÞira mOtjomuise, Ongungu ye nai ya tungururua no ku puisiwa.
Omuhonge Ruzo mo tjitamba tjo nga mburiro u ze mburukua otjaumue wo va honge ovatenga vOvaherero oku turisiwa mombongo yOruhindo puna Andreas Kukuri, Mungunda, Kahiiko na Tjiurutue. Ndjari otjiuova no ngondjero yo ku pupaparisa ominyo vyOvaherero uriri tjinga ava tandere okuuta ombongo yawo oveni mo ku hino’ hange nondjundiro yawo mOruhindo nduaa ru vetjiti ombangu no ku vevara otjovandu ove tjavari uriri mbehari noviÞo vyo tjivara mombongo indji poo mbaa ve hapewa orupa orunanḓengu muyo.
Omanunino wOvaherero mOruhindo ya wira koviÞuve vyOmuhonge Ruzo. Mozombura inḓa okuza mo-1948, ndji tjiukua otjo Mbura yOvahonge. Ombura tjingeyo Omuevangeri Gottlieb Murangi ndjaÞa nOruhindo oku mupa ondengero ndje mu puire yo ku mu randera ondjuwo mu ma suvisiwa otja ndjari ombazu, ondumbo indji a i hayandja ohange kOvaherero. Tjinga Murangi aari omuÞakame kOruhindo nandarire monyungunyungu yaro kunOvaherero.
Mombakero no mu tambo ua Murangi ombepo yohaṋi kunOruhindo a i honaparereko na ikuru nganduu konbunda yozombura hambombari mo 1955, Ruzo tja paura Ovaherero kunOruhindo okuuta Oruuano. Tjiyari 25 ku Katjose, mo 1955, Ombara Otjitambi yOvaherero, Hosea Katjikururume KuÞako, otja zika Ruzo otjomunane wombongo yOvaherero. Tjandje nao mo mautiro wombura indjo, tjiyari etenga ku Rozonḓu, Ruzo, wa pitisa omatjivisiro kutja ma pe kara omerinanunino mOruhindo. Mo 1968 otja uta Orujano rua Kristu.