Omukainhu weedula 27 ota hokoloka nena momhangu yamangestalata mOpuwo eshi vati a dipaa omulumenhu waye nombele.

Otaku hokololwa omukainhu ou a nyekula ko ombele noku i twifa omulumenhu waye oo a li a hala oku i mu twifa. 

Oshingwanima osha ningwa Etivali molukanda Okapupona modoolopa yaPuwo efimbo lokonguloshi.

Nakufya okwa tongolwa oye Muniazo Seun Ueripuraije weedula 35.

Omupopiliko wopolifi omupedu Commissioner Kauna Shikwambi okwa hokolola ta ti ovaholafani ava okwa li tava tanguna pefimbo kwa li tava teleke.

Ueripuraije vati okwa li ta kendabala tete okutwa omukainhu waye nombele ashike omufekelwa okwe mu denga nenghava ndele ombele tai wile pedu.

Okudja opo omufekelwa okwa toola po ombele nokutwa Ueripuraije monhulo. Omulumenhu ou vati okwa xulifila mondjila yoku ya koshipangelo.

fhamalwa@nepc.com.na