Omunambelewa gwopolisi, omunamimvo 37 okwa holoka mompangulilo yamagestalata gwaKeetmanshoop ohela sho anuwa a tomeke oshihauto shopolisi omulilo. 

“Otaku hokololwa anuwa omunambelewa nguka a li a geye noonkondo sho a adha omukiintu gwe ta hupita omulumentu gulwe shoka sha etitha oontamanana pokati kawo. Anuwa shika osha etitha opo a tokole oku ikutha omwenyo. Omulumentu nguka anuwa okwa yi mohauto, e ti ipatele mo e ta kweya omakende noku i topmeka omuulilo manga e li meni. Sho anuwa a uvu uupyu womulilo, okwe endelele e ta nuka mo, ye ta kambadhala andola a dhime omulilo ngoka ashike ine shi pondola,” Omukwatakanithi koshikondo shoku konaakona iimbuluma moshitopolwa sha||Kharas Deputy Commissioner Nikodemus Mbango. 

Mbango okwa hokolola momukanda hagu pititha iimbuluma yopolisi kutya omunambelelwa ngoka okwa hingi okuza pehala lyoontamanana e ta yi mokuti e ta tomeke oshienditho shopoli omulilo, opo andola a ifikile mo. 

Onkambadhala ndjika yeidhipago anuwa oya ningwa ongula onene yOlyomakalya lwopokati kotundi o04h00 no06h00 kehala lyiipindi nooefaabulika lyi li kuumbugantu wondoolopa. 

Omufekelwa nguka okwa monika kookuume ke mboka ya lopota oshiningwanima kopolisi. -Nampa