Omulumenhu weedula 24 okwa fya eshi a tuwa nombele yokapi kukaume kaye Olomakaya, efimbo lokonguloshi potundi 22h50 polukanda Omulamba modoolopa yaKongo, moshitukulwa shaHangwena. Nakufya oye Ananias Yambukeni Shilangu, omukalimo womOkongo. Omupopiliko wopolifi moshitukulwa shaHangwena Inspector Kaume Itumba okwa hokolola ta ti nakufya okwa li ve li poundingosho nakaume kaye, ou eli oye omufekelwa paife. Itumba okwa ovanhu ava kwa li veli poundingosho ina mona kutya oshike sha enda po pokati kovalumenhu ava vavali, ashike ova ka mona ashike Shilangu eshi a tuwa nombele monhulo fiyo omefyo. Opolifi oya ti nakufya opo axulifila ponhele a tuwilwa nombele.
Omufekelwa okuna eedula 22, okwatwa po kopolifi nokaholoka momhangu yamengestalata yEenhana Etivali. Omudimba waShilangu owa twalwa kokila yopolifi yaKongo novakwapata vaye ova shiivifilwa efyo laye. Itumba okwa ti omakonakono opolifi otaa twikile.