Aakwanezimo yangoloneya oshowo omukuluntu gwopolisi gwotango mOshana, oya shaina embo yomahekeleko molwa ezepo lyomuPresidente Hage Geingob.

Omuselekadhi gwanakusa ngoleneya Silvanus Vatuva, Helena Vatuva, okwa ti, Geingob okwa yambindhindha meyambulepo lyoombelewa ndhoka ngaashingeyi tadhi yakulilwa iilonga oyindji moshitopolwa shaHangwena.

“Pethimbo Geingob kwali omuprima minista okwali a kondjo sigo etu indilile oshimaliwa okuyambulapo oombelewa dhetu ndhoka hadhi gandja omayakulo ogendji moshigwana,” ta popi ngaaka.

Ta ti, ohole a li ena noshigwana she kayishi okuyelekwa. 

Kuku Vatuva ota ti, ta dhimbulukwa nawa nakusa omupresidente, onga omulumentu omunyanyukwi oshowo gwombili.

Ta gwedha po ta ti, Geingob okwa kala mekwatathano ewaanawa nomusamane gwe, noyali ya longekidha omahogololo gotango pamwe.

Vatuva okwa hulitha muSepetemba 2020, mepipi lyomimvo 87. Okwali a pewa efimbiko lyesimaneko kuGeingob.  

Omupresidente gwoshilongo Nangulo Mbumba okwa tothamo esiku 26 lyaFebruary, kwaa kale iilonga opo oshigwana shi vule okulila Geingob. Mbumba okwali a tokola ngaaka a ikolelela kokatendo okati-26 komo1990, kekotampango lyoshilongo,  hoka taka fatulula kutya, esiku lyokwaana iilonga ngele olya gwile mOsoondah, ohali undulilwa kOmaandaha goshiwike sha landula ko.

Geingob ota fumbikwa mOsoondaha yo25 gaFebuali, nesiku lyokumudhimbulukwa tali ka ningwa momasiku 24 gaFebuluali kWindhoek Show Ground oshowo koNamcol centre.

Omupresidente Geingob okwa hulitha momasiku 04 gaFebruali, mepipi lyomimvo 82. 

- vkaapanda@nepc.com.na