Oosikola moshilongo odha taalelwa keshongo lyompumbwe yomahala gokutaamba aanona moongundu dha yooloka.
Oshifokundaneki shika sho kwa li sha ningi omapekapeko osha ndhindhilike kutya ompumbwe ndjoka unene otayi adhika maanona mboka taya kongo oshikunino (pre-primary), ondondo yotango, ontintatu, ontihetatu oshowo ontimulongo. Osikola ndjoka ya tameke ohela, oya li ya hili aavali oshowo mboka ya kala taya tondoka ya landula oosikola okukongela aanona yawo osikola okuza Omaandaha.
Omukuluntusikola posikola Ehenye Primary School mOshakati moshitopolwa shaShana, Nyanyukweni Shaanika esiku lyotango osikola ya tameke okwa ti itaya vulu okutaamba aalongwa taya kongo esiku ndyoka.
“Aavali onde ya shunitha ko nena, oshoka oshiwike shika otwi ipyakandhila nokutula aalongwa moongundu mboka ya kala po nale posikola naamboka ya taambwa nale okuza omumvo gwa yi,” ta ti ngaaka.
Ta ti, okuza oshiwike tashi ya opo taya kala ye na uuyelele wothaathaa kutya oongundu dhini tadhi kala dhi na omahala.
A a v a l i o y a k a l a nokumbombolokela posikola yetu okuza petameko lyoshiwike shika. Oyendji owa adha ya shuna nale konima nde ya lombwele kutya oshiwike shika otwi ipyakadhila manga,” ta ti ngaaka. Omulongisikola gumwe posikola Ehenye Primary okwa ti, oya taalela uupyakadhi woongundu ngaashi oshikunino, ondondo yimwe nontintatu.
“Oongulu dhetu ondhu udha, odhi na nale aanona ya thika po40 nasha. Otwa taalela uupyakadhi notwa eta olukeno lwaamboka taya kongo oosikola moongundu ngaashi ndhoka,” ta ti ngaaka.
Aakuluntu yalwe okupitila miikundaneki ya yooloka oya kala nokunyenyeta uupyakadhi wa taalela omataambo gosikola.
Yamwe otaya nyenyeta aanona yawo ya taambwa koosikola dhokokule, ihe inaya taambwa momihandjo.
“Aanoona yetu otatu ya fala peni katu na iimaliwa yokufuta oohiila.
Oosikola nadhi ye po noothayila nenge iipeleki opo aanona yetu ya mone omahala gokuza,’’ omuvali gumwe ta nyenyeta ngaaka.
O o s i k o l a o d h i n d j i moshitopolwoa shaShana odha popi kutya oshiwike shika otaku ningwa omaya lul u lo gaanona moosikola sigo Etitano.
“Omolwetompelo lyi li pombanda, otatu ka vula ashike okukwathela mokutaamba aanona konima yomayalulo, netaambo otali ka ningwa okuza mEtiyali lyomasiku 17 Januali,” osho oosikola dhimwe dha yamukula ngaaka.
Omupopiliko muuministeli welongo Sem Shino okwa ti, sigo oompaka ita vulu okutya ko sha konkalo yetaambo lyaanona moshilongo, ihe aakuluntu yelongo miitopolwa oyo taya vulu okugandja uuyelele womondjila.
“ A a k u l u n t u y e l o n g o miitopolwa oyo taya tseya shoka tashi inyenge miitopolwa yawo, sho taya lopotelwa kaakuluntusikola,’’ ta yelitha ngaaka. Aakuluntu yelongo miitopolwa kakwa li taya monika pangodhi pethimbo ndyoka.
vkaapanda@nepc.com.na