ONGWEDIVA - Asteria Akaide (34), mwene wehangano lokuteleka hali ufanwa Asteroses catering and decor okwa yandja omadeulo aye otete kovanyasha ve li 25 vokoitukulwa ya yooloka opo e va longe okumbaka oikuki yopashinanena. 

Akaide okwa twikila ta ti  ongeshefa yaye okwe i tameka mo 2018. Ta ti eshi  she mu undula opo a tameke ongeshefa ei, ohole yokuteleka eshi sh li ongoshitalendi shaye shakula. Molwa nee eemnhito doilonga dili moNamibia dapumba Akaide ova pangela omangela opamwe nambushe waye moilonga Charlotte Mwarakatwe opo va konge tameke oku yandja omadeulo kovanyasha opo va kale veli pyakidila pefimbo veli momaumbo va mwena vehe na oilonga. Akaide okwa popya kutya yee okwa didilika ovanhu vahapu ve na oitalendi yalooka veli momaumbo veha na eshi tava ningi novapumbwa oilonga. “Eshi omadeulo ashike efiku limwe, notaadulu okuyandja oilonga yonghalamwenyo komunhu,” Akaide ta ti. Akaide opamwe nambushe waye moilonga Mwarakatwe ovalongela kumwe nokukonga ovanyasha vahapu ngaashi kwa li tavadulu opo vadule okuyandja omadeulo. “Keshe omukufimbinga eli apa nena okwa yandja ashike oN$350, opo ndi dule okulanda eemumbwe adishe tadi pumbwa okulongifwa nena,” Akaide ta ti. Okwa twikila yoo kutya naye mwene okwa weda po lela shihapu shadja mondjato yaye shaashi oimaliwa ei ya yandjwa oishona yoo oinima oina ondilo. Alkaide okwa popya kutya yee okuudite etumba lakula mokutala ovanhu vafika po 25 vaholoka. Ashike nande ongaho ohandi yandje ngaho enyeme lange kounona voumati ovo inapu holoka nande okamwe ngaashi kwali nda teelela,” Akaide ta weda po.

Petrina Kapiye (32) oo eli umwe womovadeulwa okwa popya kutya yee okuudite ombili netumba lakula mokupewa omadeulo kondado yoludi olo. “Onde li longa lela shihapu ngaaashi okulonga novanhu vayooloka peenhele di lili,” Kapiye ta ti. Okwa weda po yoo kutya yee okwa kala omuteleki akula moshitukulwa shavo nokuudite etumba lakula eshi keshiivo laye kwawedwa. Kapiye ota kunghilile yoo ovanyasha vakwao veli momaumbo vamwena vatameke okuningasha.

Loide Iiyambo naye umwe womwaavo kwali va komadeulwa okwa  ti yee okwa mona eyambidido ladja kovafimili yaye opo a dule okukufa ombinga momadeulo oludi eli. Ta ti yee okwa hala okukaninga okombifa yaye yokulandifa oikulya yomaludi a yooloka.

Ovanyasha ava ova kunghulila oshiwana kutya keshe umwe okuna oshitalendi shaye,  ovanyasha nava tameke okukufa ombinga moinyangadalwa ya yooloka opo va dule okuya komesho. Okwa weda po yoo kutya omadeulo avo apo taa xulile apa, otava kendabala okuya nao komesho nokudeula Ovanamibia aveshe.