Charles Ndeumane
ONGWEDIVA - Uuminesteli wuunamaopya nuuniimuna, omeya netutululo lyomavi otawu londodha nokudhimbulukitha oshigwana shi tuntilithe oombwa nuumbishi omolwomukithi gwendambi ngoka gwa nika oshiponga. Otuntila yoombwa nuumbishi oh yi ningwa uule womvula ayihe ashike aantu oyendji otashi vulika ye shi kuthe ko ongoshiima shanathangwa.
Uuyelele wa gwandjwa kuuministeli wuunamapya nuuniinmuna, omeya netulululo lyomavi owu ulike kutya nonande omukithi gwendambi ogwa shuna pevi lela osha simana okutseya oshiponga shomukithi ngoka.
Omukithi ngoka ohagu piyaganeke omadhiladhilo gomuntu, tashi vulika i ihumbate a fa oshinamwenyo, oshiholelwa ngele omuntu okwa lumatwa kombwa tayi ehama endambi otashi vulika a gwedhe a fa ombwa, nenge ta lumata shaashoka a mono, noshiponga oshinene oshi li mpoka kutya ihagu pangwa.
Omandhidhiliko gomukithi gwendambi omadhigu kumonika petameko, ashike gamwe gomugo ongaashi okupona nuudhigu, omayeye ogendji mokana, ongeyo kaayi na omatompelo, okwiimonitha mwene oshiponga noshowo okulumata iinima. Osha konekwa kutya ohagu kwata unene aanona ye li kohi yoomvula 17.
Uuminsteli owa ti owa tseya nawa kutya oombwa odho unene hadhi etitha omaso gomukithi gwendambi, noopelesenda 99% dhetaandelo lyomukithi ngoka okuza miinamwenyo okuya kaantu ohadhi etwa kookatali. Omukithi ngoka ohagu taandele ok pitila momayeye goshinamwenyo tashi ehama omukithi gwendambi, nenge okulumatwa koshinamwenyo tashi ehama omukithi gwendambi.
Momumvo 2015 Uuministeli wuunampya nuuniimuna, omeya netulululo lyomavi owe ya po nompangela yokukondjitha omukithi gwendambi nelelakano lyokuyambidhidha ontengenekwathaneko yoshilongo shetu, kondandalund, okweeta omayakulo gopaunamiti gondondo yopombanda kondando tayi vulika kaakwashigwana ayehe.
Omupopiliko guumusinisteli wuunamapya nuuniimuna, omeya netulululo lyomavi, Jona Musheko, okwa popi pethimbo a li moonkundatha noshifokundaneki shika kutya otuntila yoombwa nuumbishi ohayi ningwa oshali miitopolwa yokuushayi nomomikunda, ashike muushimba omayakulo ngoka ohaga futilwa oshoka oku wetike kutya oondando miitopolwa moka otadhi vulika.
“Aakwashingwa naya longele kumwe momikunda nomoondoolopa ndele e ta yi ithana uumisnisteli wu ye wu tuntile iinamwenyo yawo oshoka ontengenekwathaneko yetu okweeta omukithi nguka poopelesenda onola naashika otashi vulika ashike ngele aakwashigwana taya kutha ombinga mokutuntilitha iinamwenyo yawo”, Musheko a popi.
-mrndeumaneraycharles@gmail.com