Paife opa pita eemwedi mbali okudja nghee omuhongifikola Natanael Nghihalwa a shivika nawa nedina Thabo a xulifa, ashike fiyo onena kape na omufekelwa a kwatwa po medipao laye.

Nghihalwa (39) okwa xulifa momafiku 11 Novemba eshi vati a yashwa nondjebo kovanhu vavali ndele tava faduka po. 

Omukulunhu wopolifi moshitukulwa shaHangwena Commissioner Ottilie Kashuupulwa okwa koleka tai ti fiyo opapa kape na omunhu a kwatwa po shi na sha noshiningwanima osho.  

Okwa ti natango opolifi onghee nga tai twikile nokuninga omakonakono nota indile oshiwana opo shi twikile okuyandja ouyelele mekwatafano lefyo laNghihalwa.

Oshiningwanima eshi shedipao osha ningwa omudo wa djako momukunda Oshikwiyu moshitukulwa shaHangwena, pefimbo Nghihalwa kwa li tadi kokalikoshelo. 

Ovafekelwa ovo taku fekelwa kutya ovali ovalumenhu veli vavali, ova teta yoo votuwa yaye nomakatana komalola.

Omuhongifikola ou meumbo okwa li elimo namumwainamati pefimbo loshiningwanima.

Vamwe vomovakwanenidmo laye ova hololola kutya ova kwatwa koumbada nove wete kutya eemwenyo davo otashi dulika dili moshiponga shaashi fiyo oapapa kape na ou a kwatwa po.

"Nafye otwa tila okuponokelwa. Ihatu kala vali twa manguluka ngeenge tu li keumbo ile mokati kovanhu," omukwapata umwe ta ti.

Omukwapata umwe okwa ti ovatila kutya pamwe oonakudipa Nghihalwa natango ove na ediladilo lokudipaa ovamwaina vaye.

fhamalwa@nepc.com.na