Omubishofi Lukas Kaluwapa Katenda okwa ti elelo-ngerki laREACH-NA itali lalakanene oukengeli woshimaliwa, ashike okuxupifa eemwenyo dovashitwa vaKalunga.

Katenda edi okwe di popya pefimbo a li ta yapulilwa oshilonga shoubishofi kongeleka yoREACH-NA kOndangwa. Omumbiishofi ou mupe okwa ninga mutivali wongeleka yoREACH-NA, ya kala ya shivika nawa nedina Church of England Namibia (CENA). 

“Fye itatu lalakanene oshimaliwa, ahowe, fye ohatu lalakanene exupifo lovashitwa vaKalunga. Ngeno okwa li oshimaliwa hatu lalakanene, ngaame ondi na odjapo youhakuli i li koshi yokofa yange, ngeno ohandi shuna ashike kepangelo ndele tali pe nge oilonga,” Katenda ta ti ngaho. 

Mokati kaavo va li koshivilo omwa kwatelwa gavana waShana Elia Irimari, gavena waHangwena Usko Nghaamwa, oshilyo shoparliamente Pendukeni Iivula-Ithana, ovafita veengeleka da yooloka novakwashiwana va dja komaengalo a yooloka moNamibia.