Omufekelwa gwedhina Chen a za koShanghai East shaChina okwa li a lombwele omiya dhashinana kutya okwa li a yaka embako, e shi ningila owina opo a mangwe po ye a kale inaa hokana omukiintu gwe. Oshimbuluma shika shanathangwa osha li she mu mangitha po esiku olyo tuu ndyoka, ashike okwa li a kumitha aakonaakoni. Sho a li a pulwa kaakonaakoni kutya omolwashike a li a yaka, Chen okwa li a ti, “molwaashoka ohonda yandje oya hala okuhokana ndje, ashike ngame inandi hala oku mu hokana.”
Ta gwedha ko ta ti, “Onda kala ndi shi kutya otandi kwatwa. Onda li nda hala oku itekka, ashike onda li nda geya.” Epengelo tali ti Chen okwa li a hogolola okuyaka oshinima shi na ongushu yi li pevi nelalakano opo mwene gwositola kaa kanithe oshindji.
Onkambadhala ndjika yuulunga oya li wo omukalo gwokuuvitha nayi omukadhona gwe opo e mu ethe.