Opolisi moshitopolwa shaShana oya kumagindha oshigwana shaa nyenge kehe oshitenda shoka taya adha oshoka otashi vulu shi kale oshitopitha. 

Oshikondo shina sha niitopitha moshitopolwa shaShana oshali sha kumagidha ngaaka pethimbo kwali sha talele po noku gandja omalongo kombinga yoomboma kosikola Okadila Combined mehuulilo shiwike.

Warrant Hilma Nakashole okwa ti ooboma natango omondhili mokati kaantu, onkene oshigwana nashi kale sha kotoka uuna tashi toola iitenda.

“Ooboma odhali dha thigwa mo pethimbo lyiita yali moshilongo, nonando kwa kala noku tegululwa ndhimwe, ina dhi pwa mo natango mokati koshigwana,’’ ta fatulula ngaaka.

Ta gwedhapo ta ti oshikonga sha, “Inoshi kwata shi lopota” oshi lile po oku kumagidha oshigwana, ko kutya omanga inaaya nyenga iikwatenda kehe naya lopotele opolisi. 

“Ngele omwa mono iitenda tayi limbililike, lopoteni kopolisi yili po pepi,” Nakashole ta kumagidha ngaaka.

Omimvo mbali dha piti, aanona oshowo omukiintu nomulumentu mboka haya zi megumbo limwe momukunda Omutwewomunhu moshitopolwa shaShaHangwena, oyali ya ningi aanelago sho aanona ya kala taya dhana oboma iiwike ya pita pu itatu, ihe ina yi ta topela.

Aanona anuwa oya toola oboma ndjoka miihwa, noku yi fala kegumbo.

Aanona oya kala noku dhana nayo, omanga aanegumbo yamwe oya kala noku kuutumba ko. 

Opolisi oya ti, oboma ndjoka okwali ya tegululwa kopolisi konima sho ya lopotwa.

- vkaapanda@nepc.com.na