Vantu kuna kuvarondora asi vahaza moEtosha National Park nositambo asi tavakakwata egungu.
Kansela gomosintokorwa Uuvudhiya, Timoteus Shivute, katente asi masere govantu mwaza sirongo nasinye saNamibia kuna kugogomoka vaze kosintorwa mukunda gwaUuvudhiya ntani Okatjali omu mwakara asi kwaditungika yiakremo yitji yokukara egungu, omu mwakara asi momukunda ogo kwakara mo egungu lyenzi siruwo nasinye.
Age katente asi awo kuna kara noudigu omu vantu vana kuvhuka unene ntani awo kuna kurara poopo ndi asi monad zaEtosha omu vana kukanyanga egungu.
Ose kapi tuna kuvasilika mokukwata egungu, nye vahepa kuhageka mukaro ogu gokjutanta asi vakarare kooko vana kukanyanga egungu; kuna kara mukaro gomudona unene, yimo ana kugwedako. Wokukwata egungu kukara kooko kevango lina kara egungu dogoro vanamana kulikwatako ndi lina gwanene eli vana hara.
Mokukwama kansela gomukunda ogo, kuna kutanta asi kapi yina kumoneka nawa vantu valivakere moEtosha, morwa kuvhura vavagazarere asi vawidi ndi vasani pwahana asi paveta.
Awo kuvhura hena kuvagwana yikorama ndi yimahaka yomowiza. Ame hena simpe kuna kuhundira vanafarama asi vahalisira nongombe dawo nampili nakauke moNational Park. Udigu unene morwa nongombe kuvhura dilikane koyikasama,’’ yimo ana kugava nmgoso maganao gendi.
Ongandjera traditional authority muhuyungi gwawo Shiimi Shangula nage gumwe ogu kageve magano gendi gokulifana asi vantu vahahwilira monofarama dovantu vaze vakakwate egungu vahana kugwana epulisiro kwaforomani gomukunda.
‘’ Ose kuna kuhundira vantu namuvenye asi mwahepa kuhageka mukaro gwangesi. Kapi tovhuru kuhwilira mevango lyomuntu makura totameka kukwata egungu ; wahepa kugwana epulisiro kwamwenya evango.
Yimo ana kuvatantera ngoso Shangula.
Age katente asi mukaro gokutaguruka oze mevango lyamukweni otameke kukwata egungu wahana kugwana epulisiro kwaforomani.
Age kavarondwere nawa nawa asi kutaguruka evango lyamukweni nzo ntani owo vana kuyirugana vahepa kuvafutisa kukwama veta zawo zopampo, ano siruwo oso mbapira pulisro oka kwate egungu kuna kara N$200.