Lukas Uuyuni (29) atseyika nawa nedhina lye lyoongalo Master World,  ngoka a hiki ongalo  tayi nyuwitha omakutsi gaapulakeni no tayi taambathanwa komalungula yedhina “Okumwamwala” okwati, okwahiki ongalo ndjoka okupukulula aanyasha.

“Onda dhidhilike  kutya aanyasha oyendji oya hogolola okulongitha ethimbo lyawo nayi, noonkalamwenyo dho yendji ohadhi gwile moshiponga okupitila moku mwamwala hoka taya tanga, uuna taya longitha iikolitha,” ta fatulula.

Omuhiki ngalo nguka okwati, okwahiki okangalo hoka okuza komutima gwe nomolwa ohole ena yoshigwana.

“Omukalo omwaanawa okupukulula omuntu ngele a puka, ongele tomu kumagidha okupitila mwaashoka ehole. Sho osho shoka ndahiki ongalo ndjika, oshoka aaNamibia oyehole ongaalo, no ndiinekela otaya uvuko shoka tandi yalombwele,” a popi ngaaka.

Ta ti, omalovu otaga teya po oshigwana, yamwe otaya ya yi momilalo kaashili payuuki, yamwe otaya tsaathana nombele ishowo omakende, yamwe otaya si miiponga yiihauto omanga yeli kohi yomalovu, ihe otaya itanga kutya otaya “mwamwala”.

Master World okwalombwele Kundana ta ti, okwa dhidhilike kutya aakintu oyendji oya ningi oshihakanwa shokumwamwala, ihe kaayuvite ko kutya, oonkalamwenyo dhawo taya tula moshiponga.

“Mokumwmamwala moka omo hamu zi omategelelo inaaga longekidhwa nomikithi dha yooloka oshoka oya itaala kutya otaya uvitha nawa omanga yeli methimbo,” a popi ngaaka.

Taku magidha ta ti, oshitya “Okumwamwala kasha shi oshitya oshiwanawa, ngaashi hashilongithwa kaanyasha komalungula nena.

“Hulithiipo okulongitha oshitya shoka oshowo okushitula milonga. Mokumwamwala ka muna uuwanawa nando, esiku limwe onaku ka hula, etamu kadhimbulukwa iitya yandje ayihe ndemulondodha nayo,” Master world takumagidha.

Ta ti, yamwe ohaya popi kutya otayali oshimwenyo, ihe oshimwenyo osho tashimulu, nonando ha paife, esiku ndyoka otali kathika.

Ongalo ndjoka otayi ulike yiholike kaantu ye vule 1000 komapandja ga yooloka komalungula, omolwa etumwalaka ndjoka lyahokiwa kaapulakeni.

Master World okwayambukile momukunda Oshipumbu shomugongo, moshitopolwa shaShana.

Omuhiki ngalo nguka okwati okuna ooalbuma dhili ine, nokulimetifa okupitha ontintano moka muna ongalo, Okumwamwala yedhina Guillotine.