Omupresidente Nangolo Mbumba okwa kumaida ovanyasha opo ve li honge koiputudilo yopaungoba shaashi otashi yambula po oshilongo.

Mbumba edi okwe di popya pefimbo a talela po oshiputudilo shopaungomba shoNIMT kodoolopa yaKeetmanshoop oshivike sha djako.

Omupresidente okwa li a shakena novalihongi noshokwa talela po oikongo ya yooloka yomaifano haa yandjwa koshiputudilo osho. Okwa li yoo a shakeneka ovaleli vopamufyuululwakalo va dja moshitukulwa shaKaras noshoyo elelo lopashitukulwa.

Pefimbo ve li komutumba Omupresidente okwa popya ta ti elalakano okukundafana nghene oshiwana sha pumbwa omayakulo noshoyo okuunda omanyenyeto oshiwana.

Okwa ti ombelewa yaye otai twikile okulongela kumwe nomalelo opamufyuululwakalo.

Mbumba okwa lombwela ovalihongi koNIMT opo ve li honge nelitulemo va mone ounongo tau va kwafa woo tau kwafa yoo osholongo monakwiiwa.

Okwa ti oiputudilo yopaungomba oya fimana shaashi otai yandje omhito kovanyasha va mone oilonga, ounongo nokuva longa yoo oku eta po oilonga.

– fhamalwa@nepc.com.na