Omutumba gwopashigwana gwaNamibia ogwa li gwa pititha ontotwaveta tayi ithanwa Police Act, 1990, (ndjoka ya li ya toto po etanga lyopolisi lyedhina Namibian Police Force. Ontotwaveta yOpolisi, 1990 (Ontotwaveta 19 yo1990) otayi fatulula iilonga yEtanga lyOpolisi yaNamibia ngaashi tashi landula:
Ekalekopo lyegameno meni lyaNamibia, shoka sha hala okutya opolisi oyi na oshinakugwanitha shokukaleka po ombili negameno moNamibia.
Ekalekopo lyooveta nelandulatahano, sha hala okutya opolisi nayi shilipaleke kutya kehe gumwe ota iyutha kooveta dhi na sha nombili osho wo egameno lyoshigwana
Okuninga omakoonaakono giimbuluma, sha hala okutya opolisi oyi na okukwashilipaleka kutya oshimbuluma shoka sha lopotwa ngele osha ningwa tuu shili. Opolisi tayi konaakona wo kutya oshimbuluma osha longwa kulye.
Okukeelela iimbuluma, tashi ti opolisi nayi dhimbulule oonkalo moshigwana ndhoka tadhi vulu oku eta iimbuluma. Opolisi nayi kuthe wo oonkatu opo yi keelele iimbuluma kaayi holoke.
Okugamena oomwenyo nomaliko, shoka tashi ti opolisi oyi na okugamena oomwenyo nomaliko gAanamibia ayehe
Onkene, osha simana opo aanambelewa yOpolisi yaNamibia ya simaneke aluhe uuthemba nuudemokoli sho taya kaleke po ooveta nelandulathano naasho taya konaakona omakayulonyanga. Ekalekopo lyooveta nelandulathano osho wo okufala aakayulinyanga ya pangulwe oyo omidhi dhuudemokoli wa kola moshigwana.
Eyakulo lyoshigwana osho iilonga yotango yOpilisi yaNamibia. Sha hala okutya uuna omukwashigwana a ya koombelewa dhopolisi nenge a mbilike omunambelewa gwopolisi mopate, kashi shi elyalyakaneko ashike etompelo lyiilonga yomunambelwa gwopolisi kehe. Opolisi oyi lile po okuyakula oshigwana. Sha hala okutya opolisi nayi kwathele oshigwana ethimbo kehe osho woo pamukalo kehe tagu vulika- okundopa okulonga iilonga mbyoka ekayulonyanga lyontotwaveta.
Okupatolola moshigwna ogwo omukalo gumwe ngoka opolisi yaNamibia hayi longo pamwe noshigwana. Sha hala okutya Etanga lyopolisi yaNamibia ohali konene uupyakadhi mboka hawu eta iimbuluma nenge ezulo lyoongangala. Onkene Opolisi yaNamibia ohayi imanga uukuni kumwe naakwashigwana osho wo omahangano moshigwana opo ku kandulwe po omaupyakadhi ngaka nokukaleka po egameno.