Mwene gwomukunda gumwe oku li mokalimosho shi na sha noshipotha shokutomeka omatungo gepangelo omulilo, oshiningwanima shika osha ningilwa osikola yimwe muushayi moshitopolwa shaNorth West. Osikola anuwa oya li ya ponokelwa ngeyi oshoka oya li yu ulikwa onga oshitaasi shokuhogololela momagololo ngoka ga li ko momasiku 8 Mai . Opolisi yaNorth West oya ti omulumentu gwoomvula 53, Moto Josua Motlhabane, ngoka e li mwene gwomukunda gwoshitayi shaTlhakajeng momukunda Kraaipan, okwa kalekwa mongali sigo 17 Mai, konima sho a li a holoka komeho gwompangu yaMangestalata yaAtamelang mEtitano lya za ko. Ekwatopo lyaMotlhabane neholokopo lye mompangu  olya za konima sho aakwashigwana ya li ya holola omadhiladhilo momasiku 3 Mai, moka aakalimo yomomudhingoloko ya li yu umbu osikola yaTlhakajeng Primary School nomamanya noku yi tomeka ondalu yanelyanga.

Oonzo dhosikola ngashi omatungo, iipundi niilongithomwa yilwe oyta li ya yangatwa po komundilo, opolisi tayi ti ngaaka.
Kapatashu okwa li wo a patululilwa oshipotha shokuhinga nuuhasha. Otaku popiwa anuwa a li a galangata noshitukutuku she sho a zi posikola mpoka nokwa li a mono oshiponga nokutaambelwa moshipangelo.