Omukiintu ta tamanekelwa eyako lyoshimaliwa sha thika poN$400 000 mositola tayi ithanwa Onhokolo okwa pewa eifutile mo lyoN$5 000.

Omukiintu gwomimvo 30 gwedhina Olivia Kashamba okwa li a holoka mompangulilo yopevi yamangestrata yOshakati Etitano lyoshiwike sha zi ko komeho gomupanguli Siegfried Geiseb.

Otaku hokololwa kutya omukiintu ngoka okwa li ta longo ongomuniilonga mositola Onhokolo, yomunangeshefa Simon Naeman, yili momundhingoloko gwEndola moshitopolwa shaHangwena, okwali anuwa a kutha oshimaliwa sha thika N$400 000, po kati ko masiku 01 gaMalitsa sigo 21 gaOktomba omumvo gwayi.

Oshimaliwa shoka anuwa ka kwali sha kuthwa ethimbo limwe, ihe anuwa okwa kala noku ndjondja mo, sigo shathiki komwaalu ngoka.

Omukiintu ngoka okwali iikalelepo ye mwene mompangu, noshipotha she okwali sha undulilwa komasiku 03 ga Juni nuumvo.

Moshiningwanima shimwe, aalumentu yaali oya mangwa mehuulilo shiwike, sho anuwa ya ponokele omagumbo noku yuga mo iinima mondoolopa yaKarasburg.

Sha ikolelela kepeko lyiiningwanima ya holoka mehuulilo shiwike Iiningwanima ayihe iyali inayi ningilwa ethimbo limwe.

Otaku hokololwa kutya oya holoka momundhingoloko Grunau, po kati kolyomakaya nosoondaha.

Aafekelwa anuwa oyi iteyele megumbo limwe, moka ya kutha mo iinima yongushu yathika poN$5 000, iinima yimwe anuwa inayi monika natango.

Aafekelwa oyo tuu mboka natango anuwa oya iteyele megumbo limwe moka ya yaka mo iinima yongushu yathika N$6 000,

Iinima ayihe ya li ya kutha mo oya monika.

 – vkaapanda@nepc.com.na