Lüderitz - Omahangano okuyula eeshi NovaNam naLalandii okwa landa ombautu ipe, yongushu N$160 million, ya landwa koSpain, noya yeululwa pambelewa, mEtitano, komunambelewa omukulunhu, mOuministeli weeshi needjo domefuta Moses Maurihungirire, petuliloskepa laLüderitz.

Ombautu yedina Lalandii 1 oyo ombautu yotete yalandwa ipe, komahangano laNovaNam naLalandii, konima eshi oshilongo sha manguluka. Lalandii ehangano la waimina ehangano lokuyula eeshi laNovaNam modula 2005.

Moshipopiwa shaye Omufikameni wombautu Lalandii 1 oo ali nale Mayor wodoolopa yaLüderitz Hilaria Mukapuli okwa pandula ehangano loku yula eeshi laLalandii, oshoyo ehangano laNovaNam eshi va tokola oku yambula po odoolopa yaLüderitz, konima eshi oshilongo sha manguluka, modula 1990, eshi va eta eefaablika doku yula eeshi mo Lüderitz, noku yandja oilonga kovakalimo.

Mukapuli okwa tumbula kutya, NovaNam na Lalandii ova kuta ovanailonga veli 2100. 
Okwa pandula omahangano aa avali, eshi taa yambula po no kuhumifa komesho odoolopa.
Mukapuli okwa tumbula kutya omahangano aa opavali okwa kwa fela ongalamwenyo yaye noyo vakwa nedimo laye, eshi ina a longela ehangano Lalandii, omanga Mukapuli yee mwene a longela ehangano Pescanova olo tali ufanwa nena Novanam.

Omahangano laNovanam naLalandi okwa udaneka okulanda vali ombautu imwe , modula tai ya, nombautu vali ikwao modula 2021.