Lasarus Hakwaake

Eenhana – Oikwafifolongo otai ende ya uka pombada neenghono noya fiya eendjato dovadali da mbubuka. Novadali vamwe ove wete kutya elongo paife oli na ondilo shi dulife nale eshi ounona kwa li hava futu ofikola. Rahja Kaiko omutivali Mayora wodoolopa Eenhana okwa ti ovadali paife otava mono oixuna koikwafifolongo yofikola. Okwa ti nale eshi kwa li ofikola hai futwa ounona okwa li hava pewa oinima aishe, okudja ngoo komambo ofikola okushanga nomambo oku lihonga. Pefimbo lofikola hai futwa ounona kwa li hava pewa nomamboitya okuvatela ounona, outendifo, oshoyo eepena, ashike nena keshe shimwe otashi landwa komudali, ofikola paife oina unene ondilo vakwetu, osho Rahja ati. Omutivali mayora okwa ti osha wapala ofuto yofikola yaalulwe pamwe tava kulilwako koku pulwa keshe shimwe kofikola. 

Leonard Jona Kamushela melelo loodolopa mEenhana naye okwa twa kumwe naRahja kutya ofikola paife oya ninga ondilo, oto hale kutya oina ondilo omaludimbo atatu nokuli shi dule nale eshi ofikola kwali hai futwa. Okwa ti eembapila odo hadi longifwa kofikola ohadi landwa kovadali, efikola edi dina omatuwa oha nwefa omahooli kovadali, lunga keshe shimwe tashi longifwa mofikola ohashi yandwa kovadali, ofikola otaixu movadali monena, osho Leonard a popya ponhele yaye. Leonard okwa popya vali kutya oku lundulula kwomudjalo wofikola peefikola dimwe op ova konge omidjalo dina omadina noihako yofikola nako okwa ninga ofikola i kale ina ondilo. Eefikola dimwe otadi ningi omahopaenena eefikola dopaumwene ndele oto hange omudjalo wokaana welixwapo otau kosho eN$1200-00, ihefike nopondado yomudjalo womupangi. Otati ovanhu vamwe ovo vena eengeshefa hadi longo omidjalo ovo veli momalelo eefikola vo ovo tava lundulula omidjalo deefikola noku ninga elongo li kale la nyaya koshimaliwa. Kamushela Leonard okwa indila ngeno eefikola adishe depangelo di longife omidjalo dofikola odo dili nale meefitola nohadi monika noupu. Ta wedako tati omidjalo itadi weda ongushu yasha kelongo.