Oshivilo shomaudano hashi endele mumwe nomauliko opaipindi sha shiivika nedina Kapuka Tournament neudo otashi kala ko mo 21 -23 Juli 2023, konima sha ninga eedula dafika punhatu inashi ningwa.
Ngoloneya woshitukulwa shaHangwena Walde Ndevashiya okwa tumbula kutya omauliko opaipindi a Kapuka, ohaadana onghandangala yakula ngee tashiya pokweeta oshimaliwa moshitukulwa. Eshi oshikando shiti 25 hatu dimbuluka omauliko aa okudja mo1996. Okwa weda po yoo kutya oku kufa ombinga mbinga mishiindingili eshi ohaku tu ovanhu omukumo ovo vaninga oihakanwa yomalodu noingangamifi. Omauliko aa natango ohaayandje eemhito doilonga kovakufimbinga ngee tavalandifa opo va dule okudenga oluhepo.
Ndevashiya okwa weda po yoo kutya yee okuhole omaudo ayooloka ngee taaningwa moshitukulwa shaye shaashi ohaa eta ovanhu kumwe. Momukalo watya ngaha natango ovanhu ava ohava ulike oitalendi yavo yayooloka nokuya komesho. Ngoloneya okwa yandja yoo olupandu laye linene komahangano oo akufa ombinga mokuyandja oshimaliwa shokulongifa pefimbo lomauliko opaipindi ngaashi Coca Cola na Old Mutual. Natango otapula yoo omahangano ayooloka opo adule okuvatela naapa taadulu.
Erikson Hangula omunambelewa wehango lo Coca Cola okwa popya kutya ehangano lavo neudo olayandja oshimaliwa sho N$ 30 000 opo shidule okuvatela. Hangula okwa weda po kutya elalakano la Coca Cola lo kuyandja oshimaliwa eshi oku hanganifa ovakwashiwana opo vadule okuulika oitalendi yavo yayooloka. Okwa weda po yoo kutya ehangano lavo ola hala oku keelela oimbuluma noiningwanima yapiiyana moshiwana “shoo osho tweli yamba opo tuvatele apa hatudulu,” Hangula ta weda po.
Okwa weda po yoo kutya voo ovahala okuningala ovanyasha vomo omudingonoko vakeel veli kokule nomashango ayooloka eshi va kufa ombinga mokuyandja oshimaliwa shomwaalu ou. Hangula natango ota pula oshiwana shitwikile nokuyambidida Coca Cola ngee tashilande oinima aishe ei hailongwa ku Coca Cola. Momukalo watya ngaha, opo ashike hatudulu okuya komesho nokumona oshimaliwa opo tudule okukala alushe hatu yambidida pomauliko opaipindi Hangula ta weda po.