ONGWEDIVA- Ovanyasha ve dulife po500 vokOmuntele koshitukulwa shaShikoto vati ova li va ongalela okapale ketanga Olomakaya, vaka tala eespana da yooloka eshi tadi dana etanga.
Aktofel Indileni Uugulu omunashipundi woshiindingili okwa hokolola kutya yee oka kwali a teelela ovanyasha vefike opo va holoke, shaashi vahapu ove li pyakidla noinima imwe ili kokule nomaudano.
Okwa ti ovanyasha vahapu ihava ongala voo va tunge oukumwe shaashi vahapu ova topolwa keepolotika.
Okwati yoo vahapu natango ova manenwa po efimbo komalodu shaashi nghee tali piti ova kalela ashike eekamba.
Uugulu okwa ti ei oyali omhito yoo iwa kovanyasha okuulika oitalendi yavo, shaashi vahapu ove ina ashike oyahololekwa.
Okwa twikila yoo kutya vahapu natango ohava kala lela vahala oku ulika oitalendi yavo ashike kave na oimaliwa yoku li shangifa opo va dule okukufa ombinga mokatanga kokeemhadi.
“Omaudano aa otwe a ninga oshali shaashi otwa hala ovanyasha vahapu va kufe ombinga. Pefimbo lomaudano otwa li yoo twa mona omhito yokutofa mo ovadanitanga dingi ovo twa tokola vaka kufe ombinga mekopi lamayola,” Ugulu ta ti.
Okwa ti yoo ova hala okudeula ovanyasha vahapu, omo vamwe ova hala veva landifepo nokeespana dakula ngaashi ee Mighty gunners nooChula Chula.
“Onda hala yoo okuyandja olupandu lange kovanhu aveshe ava vali vaye okukufa ombinga,” Uugulu ta tumbula.