New Era Newspaper

New Era Epaper
Icon Collap
...
Home / Omukainhu a kwatwa onghonga nokudipawa

Omukainhu a kwatwa onghonga nokudipawa

2023-01-31  Festus Hamalwa

Omukainhu a kwatwa onghonga nokudipawa

Olutu lomukainhu weedula 45 oo taku fekelwa kutya okwa kwatwa onghonga ndele ta dipawa ole li tuwa li li mekungu lohonde koTsumkwe moshitukulwa shaOtjozondjupa mexuliloshivike.

Omupopiliko wopolifi moNamibia omupedu Commissioner Kauna Shikwambi okwa hokolola ta ti omudimba womukainhu e li hamunghele, owe li tuwa moixwa kovakwashiwana shaye ovo kwa li tava ende ponhele opo. Ovafekelwa vavali va ti ova kwatwa po konima eshi keumbo lavo kwa hangika ombele ina ohonde noshoyo oikutu imwe yomufekelwa ya hangika ina eehonde.

Oshi ningwanima shikwao, omulumenhu weedula 42 okwa lopotwa a fya eshi vati a tuwa nombele komumwainamati mexuliloshivike. Oshiningwanima eshi osha ninghilwa meumbo lavo moWindhoek.

Ota ku hokololwa kutya ovalumenhu ava okwa li tava tanguna nokonima omufekelwa okwa kufa ombele ndele ta tu mukwao. Nakuninga oshihakanwa okwa twalwa koshipangelo ashike okwa xulifila mondjila. Moshitukulwa Erongo omwa lopotwa, olutu lomukainhu olo vati leli tuwa mepandaanda nongodi i li mofingo yaye. Ota ku hokololwa kutya omukainhu na kale a dipawa ndele ta tulwa meemhango. Ka pena omufekelwa a kwatwa po mekwatafano lefyo lomukainhu ou onghee omakonakono opolifi otaa twikile.

Oshiningwanima shikwao shedipawo, omulumenhu weedula 35 vati okwa dipaa kaume nombele ndele naye mwene teli tu nombele nokufya.

Oshiningwanima eshi osha ningilwa kEpukiro moshitukulwa shaMaheke mexuliloshivike.

Opolifi oya hokolola tai ti ovalumenhu ava okwa li tava tanguna osho sha eta olwoodi pokati kavo. Vati tete omulumenhu okwa twa mukwao nombele mokanya nokufaduka po, nokudja opo omukwao okwe mu tataa nokonima omulumenhu okwe mu lifola noku mu twa monulo.

Ota ku hokololwa kutya okudja opo eshi ewete mukwao te li denga po okwe li twa nombele nokufya.

Omakonakono opolifi otaa twikile moikumungu ei yomafyo.

fhamalwa@nepc.com.na


2023-01-31  Festus Hamalwa

Share on social media