Omukulupe weedula 69 okwa dipawa keendjamba pefimbo kwa li tadi keendingosho.

Oshiningwanima osha ningwa onguloshi yOmaandaxa momukunda Anker moshitukulwa shaKunene.

Nakufya okwa tongolwa oye Justu Eiseb omukalimo womukunda Anker.

Omukulunhu koshikondo shokukonakona oimbuluma mopolifi moshitukulwa shaKunene, omupedu Commissioner Paavo Iiyambo kwa hokolola ta ti Eiseb okwa hangika mondjila a yuka keumbo tadi keendingosho.

Eiseb vati okwa ponokelwa keendjamba nokonima okwa kendabala okulonda keendudu ashike ine shipondola okufaduka po.

Olutu laye ole li tuwa moixwa kovakwashiwana va hangika tava ende pondjila opo.

Opolifi oya kumaida oshiwana opo shi kale sha kotoka ngeenge tashi ende moixwa molwashi okwa didilika ponhele opo pe na eendjaba hadi kala tadi taataa ovanhu.

Onghee opolifi oya ti oshanyika oshiponga ngeenge omunhu ta ende oufiku ile ngee a kolwa molwashi ita dulu okufaduka po.

Oopolifi oya kumaida oshiwana opo shiha tataye eendjamba ile okudidenga shaashi ondjamba otai dulu oku tanauka ndele tai va ponokele.

fhamalwa@nepc.com.na