Omulumenhu weedula 54 okwe lituwa meemhango a xulifa komukunda Olumpelengwa moshitukulwa shaMusati Etivali.

Nakufya Petrus Uukongo omukalimo womomukunda Olumpelengwa moshikandjohoololo shaKahao. Omukulunhu koshikondo shokukonakona oimbuluma moshitukulwa shaMusati Omupedu Commissioner Moses Simaho okwa hokolola ta ti omulumenhu okwe lituwa e li meemhango momuti u li mepya. Otaku hokololwa kutya Uukongo ina fiya po omukanda tau yandje ouyelele kombinga yefyo laye. Oshiningwanima shikwao, omulumenhu weedula 41 okwe lituwa pombete a xulifa komunailonga pamwe naye. Oshiningwanima osha ningwa kodoolopa yaWalvis Bay koNamport Etivali efimbo lokeengulasha.

Nakufya okwaa tongololwa oye Samuel Japhet omukalimo woWalvis Bay.

Opolifi oya hokolola tai ti omulumenhu okwe lituwa pefimbo kwa li omunailonga mukwao te mu pendula opo va ye koilonga.

Otaku hokololwa kutya Japhet kakwa li ta nyamukula eshi kwa li ta ufanwa, nokudja opo okwa twalwa koshipangelo.

Konima eshi a ningilwa omakonakonako keendokotola okwa xulifa nale. Omakonakono opolifi otaa twikile kombinga yomafyo opavali.

Opolifi oya kumaida oshiwana opo shi kale tashi popi ngeenge shi na oupyakadi opo ku kelelwe omafyo okulimangeleka.

- fhamalwa@nepc.com.na