New Era Newspaper

New Era Epaper
Icon Collap
...
Home / Omutse gohanona gwa adhika nakatali

Omutse gohanona gwa adhika nakatali

2022-08-17  Victoria Kaapanda

Omutse gohanona gwa adhika nakatali

Opolisi moshitopolwa shaMusati otayi kongo omukiintu ngoka a ekelehi ohanona tayi tengenekwa yi na ashike omasiku omashona.

Sha ikolela kuuyelele wa gandjwa komupopiliko gopolisi moshitopolwa shaMusati Anna Kunga, shoka sha monika omuste ashike, omanga olutu lumwe kalu wetike.

Kunga okwa ti, oshiningwanima osha lopotwa  mehuliloshiwike nosha holoka momukunda Ombandhiya momundhingoloko gOtsandi.

Ta ti, oshitopolwa sho lutu shoka okwa Ii sha monika komuntu gumwe, sho kwali ta  ende, ngoka a li a mono oshinima oshilimbiliki sha endjelela mokana kombwa.

Otaku hoololwa kutya sho kwa li ahedhwa popepi , noku ndhimbulula kutya oshike, okwa li a lopotele opolisi meendelelo.

Ta gwedha po kutya opolisi okwa li ya kambandhala okukonga iilyo yilwe yolutu lohanona, ihe okwa li ya huulile muunyengwi.

Otaku hokololwa kutya kape na uuyelele washa tau ulike uukwatya wuukakwashikekookantu oshoka omutse ashike gwa monika po.

“Otatu indile moshigwana kehe ngoka e na uuyelele kombinga yoshiningwanima shika nenge e shi omuntu a li metegelelo ihe ke li na we, ye kee na ohanona, ta limbililitha, opo a lopotele opolisi yi li popepi naye,” ta indile ngaaka.

Opolisi oya kumagidha oshigana shi hulithe po okulonga iilonga yi li ngaaka oshoka oya puka noonkondo.

Tayi ti, kehe ngoka ena uupyakanjdhi woku kala nohanona nenge netegelelo na konge omakwatho, opo a yambindhindhwe pehala lyoku ndhipaga onzigona yaKalunga.

Kunga okwa popi kutya elalakano ka li shi lyokumanga po ngoka alongo iilonga mbyoka, ihe okuuva etompelo kutya shike a ingile ngaaka.

Iiningwanima yi li ngaaka ohayi tunduke omeme oshowo aavali, ndyoka endhipago lyomuntu.

– vkaapanda@nepc.com.na 


2022-08-17  Victoria Kaapanda

Share on social media