Ouministeli woikwamina noikwanghono owa yelifa kutya ondado yomahooli aeshe opetolola oshoyo odisela 50ppm no disela 10ppm it i ka lunduluka omwedi ou.
Opetolola moWalvis Bay otai twikile okukala poN$19.78 moliteela omanga odisela 50 ppm tai twikile nokukala poN$19.05 moliteela.
Odisela 10 ppm otai twikile nokukala poN$19.25 moliteela.
Omavalulo a ningwa kouministeli e na sha nopetolola omwedi wa dja ko okwa yelifa kutya omahooli aa inaa dindwa okwa kala e na ee-USD 100.468 mondoloma imwe, okuyelekenifa nomwedi waJuni omo kwa li ondoloma imwe yomaahooli inaa dindwa kwa li tai kosho o-USD95.185 mondoloma. Oministeli oya holola kutya ondado yomahooli oya londa neepelesenda nhano.
Omahooli odisela o50ppm momwedi wa dja ko okwa li taa kosho o-USD97.792 mondoloma, okuyelekanifa nomwedi waJuni omo kwa li ondoloma imwe tai kosho USD89.109. Omahooli odisela 50ppm okwa londa no-USD8 kondoloma imwe. Omahooli odisela 10ppm omwedi wa dja ko okwa li e li pee-USD99.321 kondoloma imwe omanga muJuni a li e li pee USD91 0.49 mondoloma.
Omishangwavalu doimaliwa oda yelifa yoo kutya o-NAD oya ngushupala muJuli ko-USD okudja poN$ 18.3063 okuyelekanifa naJuni omo o-NAD ya li poN$18.7264 ko-USD.
taimihaihambo2000@gmail.com