New Era Newspaper

New Era Epaper
Icon Collap
...
Home / Oonakuweelela moWindhoek otava ka futifwa

Oonakuweelela moWindhoek otava ka futifwa

2023-01-30  Festus Hamalwa

Oonakuweelela moWindhoek otava ka futifwa

Abraham Kanime, omukulunhu wopolifi yomoshilandopangelo okwa ti etanga laye otali ka yandja ehandukilo loshimaliwa N$1000 kumunhu keshe ta ka hangika ta ningwa omaweelelo a pitilila.

Kanime okwa ti ombelewa yaye oya kala nokumona omanyenyeto okudilila moshiwana shomoWindhoek tashi nyenyeta kombinga yovakwashiwana vamwe hava ningi mawelelo efimbo loufiku nomutenya.

Okwa yelifa ta ti ope na omhango tai indike enyateko olo hali ningwa oku pitila meweelelo onghee omawelelo oku na okukelelwa moshilandopangelo.

Meenghundafana a ninga naKundana Etitano Kanime okwa ti opolifi yomoshilandopangelo ita ka fiya emanya la londa ku li kwao onghee ku keshe omunhu ta ka lopotwa ite li ufa komilandu ota ka ninga oshihopaenwa sha vakwao.

“Ovanhu vamwe ohava kala tava fuda po ngeenge va dja koilonga omanga vamwe ve li momaumbo tava vele. Onghee ina shi pumbiwa omunhu a kale ta ningilwa omawelelo kumushiinda shaye,” Kanime ta ti.

 Okwa weda po ta ti ovanafikola ohava kala tave li hongo ashike otava ningilwa omawelelo taa di meendingosho ile momaumbo ovanhu ngeenge tava nu omaludo.

“Natu fimanekeni omilandu da tulwa po kopolifi yomoshilandopangelo opo tu ha ninge oihakanwa yokukwatwa po ile okufutifwa oshimaliwa she handukilo,” ta ti.

Okwa kunghilila oshiwana opo shi xulife po okukala tashi nwine omalodu momapandaanda ile peenhele odo ina di pitikilwa omalodu.

“Oshiwana nashi kale tashi lopotele opolifi komola 302302 kombinga yovanhu tava ningi omawelelo ile oimbuluma.

fhamalwa@nepc.com.na


2023-01-30  Festus Hamalwa

Share on social media