Kakututu komatanga gopolisi Joseph Shikongo okwa ti oye li petameko lyoonkundwa okuyapo noondholongo dhi ikalekelwa opo mboka ya holoka mompangu yaa tulwe mumwe.
Shikongo okwa ti, pamwe noshikondo shoondholongo oshowo uuministeli wiikwameni etonatelo lyokoongamba negameno, oye li metifa okukundathana nkene ye na okuya po noondholongo ndhoka opo ku kandulwe po omaupyakadhi gomwaalu gwaantu ya pitilila moondhongo. Ta ti, kehe omwedhi ohaya pangula aantu ya thika 6 000, taya ziilile moondjeendhililo, shoka tashi ulike kutya oondhoolongo odhu udha noonkondo. “Oshilongo ashihe oshi na aanadholongo ya pitilila omwaalu ngoka gwa uthwa ogwa pitili, ihe shoka osha e twa kaanandholongo mboka ya tegelela okupangulwa naamboka opo ya mangwa sho ya edhililwa mehala limwe,’’ ta fatulula ngaaka. Ta gwedha po kutya momusindalandu goshilongo inamu tothwa oondholongo ndhi ikalekelwa, sho osho taya kundathana shi tulwe miilonga ngaashi iilongo iikwawo muuyuni. Shikongo okwa ti, omuntu okwa uthwa ashike a kale metonatelo lyaapolisi oowili 48, omanga inaa holoka mompangu. “Ngele oonkundwa ndhoka dha pu, e taku tokolwa shoka ta kutengenekwa okuningwa, otashi ka kwathela oondholongo moshilongo dhi udhuluke,’’ ta popi ngaaka. Omukuluntu gopolisi moshitopolwa shaShana Naftal Lungameni Sakaria okwa ti omasiku ga zi ko oya mangulula aanadholongo yeli 75 sho kwali ya kuthilwa ko koshimaliwa shoomboloha dhawo. “Nonando kwali twa totha mo aanadholongo yeli 91 yeli 16 ka kwali ya vulu okuwiifutila mo natango,’’ ta ti ngaaka.
Sakaria okwa ti oondholongo moshitopolwa shaShana odhuundha noonondo, natango oyina aanadholongo ya pita po 500. Ta ti, oondholongo dhiikalekelwa odha pumbiwa moshilongo. “Ngeno okwa li tu na oondholongo ndhoka ngeno aanadholongo ina ya udha mehala limwe oshoka otaya topolwa. Omunandholongo a tegelewa okupangulwa oha shu nwa ishewe mondholongo yo wala,’’ ta popi ngaaka.
Ta ti, ondholongo yOshakati oyi na aantu ye vule po 200 ashike oyuuthwa yi kale ashike yi na aantu ye thike 130, omanga Ondangwa yi na aantu ye vule natamngo 200 yo oyu uthwa yi kale naantu ye li ashike 130, Ongwediva oyi na aantu ye vule po 80, pehala lyaantu 23.
- vkaapanda@nepc.com.na /var/folders/kv/zmgnmcmx05b9v3mr5r9jf43c0000gp/T/IMAGE 2024-04-22 16:35:23.jpg