Oshipangelo shaWindhoek Central, koshikondo shoku hakula omeho osha yambindhindhwa neshina lyoku hakula omeho.

Eshina ndyoka ta li ithanwa ophthalmological, olya gandjwa kehangano lyokukwatakanitha omawi mombepo MTC Omandaaha no lina oongushu yoshimaliwa N$750 000.

Omkuluntu mbelewapitithi mehangano ndyoka lyoMTC Tim Ekandjo, okwa popi kutya oya nyanyukwa okukala mekwatathano noshipangelo shomeho, oshowo oshikando shuuhaku.

“Otwa ndhindhilike noku simaneka uwanawa tau longelwa oshigwana, okupangwa omeho oshowo okuyambindhindhwa okuyakula aanuvu yomeho,” ta popi ngaaka.

Ta gwedha po kutya otayaka tala nkene yena okuninga okukwathela oshipangelo shoka shomeho, oku endela pamwe noshinanena

 “Shika ota tu ke shininga opo oshipangelo shi vule okukwathela aanuvu ayehe yena uuvu womeho moshitopolwa,” ta ti
ngaaka.

Omukuluntu goshikondo shuhaku Ben Nangombe ngoka a li ataambako eshina ndyoka peha lyoshipangelo okwa ti, okwapandula MTC sho a yambindhindha neshina ndyoka ta li ka yambindhindha onkalamwenyo yaanuvu yomeho.

“Eshina ndyoka, eyambindhindho enene kosipangelo shika, no ta li kalonga iilonga ya simana, okuyambindhindha oshigwana,” ta pandula ngaaka.

Nangombe ta ti, oshipangelo shoka ohashi yakula aantu oyendji yena uuvu womeho wa yooloka, onkene eshina ndyoka ota li ka longithwa okukandula po uupyakandhi wuuwehame womeho.

“Onda hala natango okupandula aanilonga yoshipangelo sho ya kala
noku gandja omayakulo agehe ga
pumbiwa, okuyakula aanuvu,” ta ti
ngaaka.

Ta gwedha po kutya oshipangelo osha taalela uupyakandhi waanuvu oyendji shili, ihe otandi kumagdha aanilonga ya tsikile okugwanitha po iilonga yawo ngaashi ya kala noku shininga.

“Mongaashingesyi oshipangelo ohashi yakula aantu yahetatu, omanga aanuvu 20 haya ningi omayndilo goku tandwa kehe esiku, Omandaaha sigo Etitano,” ta fatulula ngaaka.

Nangombe ta ti, oshitandelo shomeho ohashi kala aluhe shuudha aantu ya ninga omayindilo oshoka yamwe ohaya zi kiilongo yokondje ngaashi Angola, taya kongo omakwatho.

“Antu mboka ya ninga omayindilo oya pitilila, na yamwe ye li momusholondondo goku tegelela,” ta ti ngaaka.

Nangombe okwa fatulula kutya uuvu womeho unene waanyasha okuza pomimvo 30 ohau eta omikithi ndimwe dha gwedhwa po.

Oshipangelo shomeho otashi tsikile okugandja omayambindhindho kaanumvu, noshina wo iitayi mitopolwa ngaashi Caprivi, Kavango, Ohangwena, //Kharas, Omusati oshowo Oshana.

– vkaapanda@nepc.com.na