Ehangano lyoPeace Garden olya yambidhidha opolisi yaNamibia mekondjitho lombuto yoCovid-19, sho lya yandja uumasika opoaapolisi ya ikeelele komuthi ngoka. 

Omukalelelipo gwEhangano ndyoka Frans Shiviya, okwa ti, oyali ya dhidhilike kutya oonkalamwenyo dhaapangi oshowo aapolisi odhili moshiponga, ashike iilonga yawo otayi ya thiminike okugwanitha po omayakulo gapumbiwa moshigwana nogasimana.
“Shika otwe shiningi okuyambidhidha oshigwana oku ikeelela komukithi ngoka tagu dhana onkandangala moshigwana, aniwa inagu monikila omiti dho kugu panga. Onkene okulwitha omukithi ngoka, ongele tagu keelelwa opo kagu taandele,” Shiviya ta ti ngaaka.
Omukuluntu gwehangano ndyoka David Nghipunduka okwa ti, oya gandja uumasika wuli 3000 kopolisi yaShana, 3000 koshipangelo oshinene shaNandjokwe oshowo 300O koshipangelo shEngela.

Ta ti, uumasika awihe kumwe ya ya mbidhidha nawo owuli 9000. Agwedha po ta ti, uumasika mboka tawu ithanwa (NK mask) owuna ongushu, wuna ompito yokuku gamena ooplesenta 95%.
“Ehangano lyetu olya patulula oshitayi oshipe moChina shokuhondja uumasika tashi ithanwa Shanghai China Namibia Travel Consulting Co. Ltd. Elalakano okukwathela kehe gumwe a vule okulanda okamasika kombiliha na kehe gumwe a kale ena ompito yoku kala ena okamasika oku ikeelela komukithi ngoka.

Nghipondoka ta ti, okwali aakwathele aanambewa mboka, oshoka  oyo ali adhidhilike yena ompito oshona okukwatwa komukithi gwoCovid-19 , onkene oya pumbwa omakwathelo 
nookondo.

Omukuluntu gwopolisi moshitopolwa shaShana Rauha Amweele, okwapandula ehangano lyo Peace Garden, sho lyeya yambidhidha okulwiitha noku keelela omukithi ngoka. 
Ta ti, otaye wulongitha pamukalo no melandulathano ngaashi ye wu pewa noya lombwelwa.