Lasarus Hakwaake

ONDANGWA – Omufita a shiivika nawa Laban Shitundeni Mwashekele weongalo levaengeli loMonte Christo Baptist moWindhoek okwa ulika kutya eyapulo lomubishopa Lukas Katenda ola pala ondjila yambwalangadja yokutungulula oukwamhepo oshoyo okufikamena po eduliko leitavelo lOmbibeli nokulonga osho ombiibeli tai ti. 

Eshi otashi ka ningwa pakutota po Okamusela Yetungululo  yEengelaka adishe dEvaangeli moNamibia oyo tai ka ufanwa Council of Reformed and Evangelical Churches in Namibia (CRECN) omo eengeleka adishe devaangeli tadi ka kala oilyo, osho omufita Mwashekele a tya noitya yaye mwene yetwomukumo.

Okwa popya kutya imwe yomoishonekwa yoCRECN oyo, shotete; “osho okukwashilipaleka kutya omwenyo wopamhepo wongeleka yaKristus moNamibia owa papudulwa, otava ka longa yoo kutya omilandu dongeleka oda alulilwa po ngaashi sha li petameko, nonokutya elalakano loukumwe wombili ola kanghamekelwa komatomeno atatu, (a) kefimano laKalunga aeke, (b) kexupifo leemwenyo akuke, (c) nokeyelifo leongalo laKalunga akuke ti. Oshitivali, okukwashilipaleka kutya eduliko lomeitavelo ola longwa momaumbo nomoshiwana, ovanhu ova udifwako ombaxu nokavava va itavele Kalunga, novanhu ova ningwa ovaitaveli, nokuhe na eitavelo otaku ka kupulwashi filufilu. Oshititatu, onghalonawa yoshiwana shaNamibia otai ka etwa poshitaafula opo ku hangwe etwokumwe moshinima shimwe osho tashi kwafa,” Osho Mwashekele a vilikila.
Okwa weda ko kutya oCRECN otai ka kala ewi laava vehe na ewi, kaume kaava va ekelwashi oshoyo omuyakuli waava tava mono oixuna. Okwa ti ota ka twikila onga omutima woshilongayakulo ponhele yokukala omutwe womahepeko ovanhu nokuvamonifa oixuna.

Okwa kunghilila omubishopa mupe aha tambule oimaliwa okudja kepangelo, omolwaashi, ito dulu okuvela ombedi okooko oko hake ku palula. Okwa indila omubishopa mupe a ha kale nolwaamambinga ndele a yakule ovanhu aveshe onga ovanhu vaKalunga. “Kala kaume kovanhu aveshe opo uha patele ovanhu vamwe pondje,” osho Mwashekele a xulifa netwomukumo laye.