New Era Newspaper

New Era Epaper
Icon Collap
...
Home / Sky 1 ta tungilwa elambo lyonyata

Sky 1 ta tungilwa elambo lyonyata

2021-07-20  Victoria Kaapanda

Sky 1 ta tungilwa elambo lyonyata
Top of a Page

Elelo lyondoolopa yaNgwediva olya gandja ompito kehangano lyoku tunga, Omatando construction cc, opo lyi tunga elambo lyonyata kolukanda Sky 1, kongushu yoomilliona N$ 5, 717, 386.22

Omupoliko gwelelo lyondoolopa yaNgwediva Jackson Muma okwa ti, oproyeka ndyoka otayi tameke omwedhi nguka no kwa tengenekwa yi kale ya pwa omvo tagu ya muApilili.

“Oproyeka ndjika otayi ka kwathela omahala goopolota 306 oshowo ositasi onene yoku pomba onyata, ndyoka tayi ka kwathela omahala goopolota geli 276 koSky 2, monakuyiwa,” ta ti ngaaka.

Ta ti, elelo lyondoopola olya tokola okuninga elambo lyonyata okuhumitha komeho oshowo okukalekapo uuyogoki mondoolopa.

“Atu kumagidha oshigwana shi gandje omukumo kaatungi mule wethimbo ndyoka lyoomwedhi omugoyi sigo taya mana,” taku magidha.

Muma ta ti, oproyeka ndjika okwali ya pitithwa ko nima yomwedhi sho natango ehangano lyoLarissa Investements cc, kwali lya pewa ompito yoku tunga elambo lyonyata koExtention 15, ta li kwathele omahala goopolota 310.

“Oku eta omawunawa gatya ngaaka, oshinakugwanitha shelelo lyondoolopa yetu, okugwanithapo noku kwathela aakalimo yetu noompumbwe dhawo,” ta popi ngaaka.

Ta ti, shoka otashi humitha noku yambulapo eliko mondoolopa yawo.

Muma ta ti, Ongwediva kambadhala okugwanitha po omawuvaneko a gehe ga ningi, inaaga gwanithwapo natango.

“Elalakano, okukondjitha okuyelula po ondoloopa yaNgwediva oshowo okugwanithapo oompumbwe dhaakalimo yomondoolopa yetu, ya kale taya hupu nawa no yena onkalamwenyo yili hwepo,” ta ti ngaaka.

Maria Shikalulu gwomolukanda Sky okwati, ota pandula elelo lyondoolopa yawo, ko mawuwanawa agehe tali longele aakalimo ya sho.

“Ondina ohokwe okupandula elelo lyondoolopa yetu oshoka olyetu longela omawuwanawa ogendji, unene okuza omvo gwayi sigo onuumvo,” ta ti ngaaka.

Ta ti, nali tsikile okulonga lyiitulamo okwa pandula no peha lyaakalimo aakwawo.


2021-07-20  Victoria Kaapanda

Share on social media
Bottom of a page