Omupedupresidente wongudu yoSwapo Netumbo Nandi- Ndaitwah okwa kumaida oshiwana opo shi halandule omipopyo doipupulu kutya Swapo ongudu tai longifa oulingilingi. 

Nandi-Ndaitwah okwa yelifa ta ti Swapo oyo ashike ongudu tai dulu okueta omayakulo koshiwana nokukaleka po ombili moshilongo. 

Edi Nandi-Ndaitwah okwe di popya komutumba woSwapo wa li kEenhana mexuliloshivike. Okwa ti konima eshi oshilongo sha manguluka ongudu yoSwapo oya eta po omayakulo mahapu ngaashi okutunga eefikola, okuyandjaneka omeva momikunda nosho tuu omayakulo a yooloka. 

Onghee okwa kumaida oshiwana opo shi twikile nokuhoololaovalelivoSwapo shaashi Swapo ongudu i na oshisho noshiwana. 

Okwa kumaida yoo vali oshiwana opo shi ka hoolole oomuprepresidente woSwapo momahoololo ta ka kala ko momudo 2025. 

“Otwa kanifa oipundi ihapu momahool o l o a pita. Out na eedolopa dihapu tadi lelwa keengudu domilameno. Onghee inatu pumbwa okuendulula epuko olo kwa li twa ninga,” ta ti. 

Okwa weda po ta ti oilyongudu yoSwapo nai longelo kumwe nokukala i na ombili opo ongudu i dule okuxuma komesho. 

“Ngeenge ovanhu itava longele kumwe Swapo otaka teka po, onghee osha fimana ngeenge hatu longeleni kumwe opo tu dule okufindana omahoololo momudo 2025,” Nandi- Ndaitwah ta ti. 

Okwa weda po ta ti ova taalela olwoodi lakula momahoololo taa landulako molwaashi ope na eengudu domilameno tadi kondjifa okulwifa Swapo. 

Onghee okwa kumaida oilyongudu yoSwapo opo i longe nelitulemo nokukala ya findana momahoololo. 

Moshipopiwa shaye hamushangandjai wongudu yoSwapo Sophia Shaningwa okwa kumaida oshiwana opo shi ye momwaalu muhapu oku ka hoolola omul i kwapr e s i d e nt e Nandi-Ndaitwah ou ta kufa ombinga momahoololo momudo 2025. 

Shaningwa okwa weda po ta ti oshiwana nashi ka fanekwe oukalata wokuhoolola manga kuyela opo shi dule okukufa ombinga mohoololo. 

fhamalwa@nepc.com.na