Lasarus Hakwaake

EENHANA – Omushingi woshihauto weedula 39 okwa li ta shingi oshihauto okudja koushilo wEenhana nokupita momalamba omokati koodolopa noku tanaukila kevale, otaku hokololwa kutya manga a li ta shingi konima  eshi a fiya po omalamba kanini oshihauto oshe munyenga ndele tashi hauluka opate nokutwaalela umwe kwa li ta ende keemhadi komukunghulo wopate. Nakutwaalelwa opo a xulifila opo, ashike oshitukutuku osha twikila ndele tashi li denge mekuma li li komesho. Omushingi woshihauto okwa mona oshiponga komutwe nokwa tambulilwa moshipangelo mEenhana. Omuyanjdimulombo wopolifi Abner Kaume Itumba moshitukulwa Ohangwena okwa shivifila Kundana kutya nakufya oye Padelia Kuneumbo Johaness wedula 25 a dile kOnamunama novapambele vaye ova shivifilwa nale. Itumba okwa ti omushingi  okwa patululilwa oshibofa shedipao liheshi loshiningilawina nomakonaakono opolifi otaa twikile.

Moshiningwanima shimwe otaku popiwa kutya Ndamonanghenda Sambezu weedula 8 womomukunda Omulondo moshitopolwa Ohangwena okwa kwatwa kokashelu nokufya meendelelo. Nopolifi otai ningi omapulapulo, osho Itumba a lombwela Kundana.