Oshakati- vatungimo navenye modoropa wondango zodoropa zaOshakati kuna kara nomutaro gwahana uhaya konyima tupu mundiro kaguzonagwire evango oku ava zugumine yihando yiyo nye kaguzire nokuzonagura evango lyokulisira ntani darate zendi.
Laina Erastus katente asi mundiro, ogu nye kagu kereko mosivike pita, kagureteserepo mazonauko gomanene unene koyininke eyi gaweka pofarama, muna hamene evango lyokulisira, omu lina zonauka ntani darate nazo zina zonauka.
Ehudi lyangesi kuna reterenge ruhepo rorunene nezumbaneso nokuninkisa nye elikwamo lyange lyounafarama lisikame ntani eparu lyange tupu nalinye,’’ yimo ana kutanta Erastus omu nye ana yitjanga mombapira ezi ana kutuma kondango zovakansela. Age katente asi esi kapisi siruwo sokuhova sina kuwiza mpire ezi dogoro ziyazonagure uhwi wendi, ago narunye kutundilira kevango eli ava zugumine yihando. Age katente asi eyi yiyo ana huyunga nkenye mvhura, asi evango lyendi kuna lizonagura mundiro guna tundilire kodoropa. ‘’ Mwankenye nye sihorokwa esi, ame kugwanekera novakansela asi ngano vafutenge, nye kwato eyi yatutompoka dogoro ngesi, yimo ana kutanta ngoso.
Erastus katente asi mundiro ogu ngano nare vaguhagekesa nye kapi vaturapo asi ngapi navagukeverera unene kevango eli avazugumine yihando yomo doropa. Mokugavako nkumbu, mukurona godoropa zaOshakati, Leonard Hango katente, mberewa zendi smpe kapi zagwana rusivano rwangesi kuhamena ehudi eli. ‘’ Nye nsene asi yimo ngoso yina kara, ose twakara nomuntu ogu twakuta gosinka somundiro mudoropa omu ngano agutarere asi ngwaha pitakana evango lyoyihando guze kopeke. Hango katente asi mundiro kayiguninkisire gutwere unene mpepo.
Mukurona godoropa katente nokupura asi morwa sinkle nye vantu vapilira kuyikundika komberewa zendi. ‘’ Nsene asi ezonauko kwaliretesapo wondango zodoropa, yina kara asi oyo yina zonauka vahepa kupinganeseramo wondango zodoropa.
Ame nanihingira nava vakara nosinka sangoso. Nokugwedako asi evango eli kwakara asi kapi lyawapa koyimuna nokovantu nokuhundira asi varugani vahepa kugusapo eli apa vagwaneko limwe.
Oshakati kapisi zelike doropa zina kara noudigu wokugendesa evango eli vatura paveta asi lyokuzugumiona yihando yomodoropa. moOkahao, vatungimo nare vagava runyegenyo rwawo kuhamena evango lyokuzugumina yihando, eyi yokukara pepi nevangi lyokulisira yimuna mambo nago poopo. Vanafarama vamwe kavakumbwili asi ndango yavasumpira morwa awo kwayakara pevango asi vagwane nondja donondona.
‘’Osekumonayikomboyinakulyayiplastika noyimbapira yokulisiga siga, nye kapi kuna kara darate, gumwe mutungimo. Yimo ngoso ana kutanta. Nsitwe zomomukunda kwazitjangurura vadivi yokuhamenako asi evango eli kapi lyawapa. Udigu unene koukanguki, unene nomukunda doponze zodoropa, omu vanafarama vanakugwana evhu omu navawekera yimuna yawo.
-vkaapanda@nepc.com.na