Auleria Wakudumo
Oshitayi shoNust mEenhana moshitukulwa shaHangwena oshe ya po noshivilo shomaulikilo omaifano omo tashi yandje ouyelele kwaavo tave u pumbwa, oule womafiku avali.
Oshiputudilo osha hovela okuyandja ouyelele ou Etinhe fiyo onena.
Ouyelele womaifano ohau pewa unene ovahongwa ovo veli mondodo onhi-11 ile mondodo yaxuuninwa (AS) opo va kale vena ouyelele mwaasho va hala okukelilongela ngeenga va mane ofikola yopetameko.
Omukulunhu woshitai osho Lukas Shikulo okwa holola kutya okuyandja ouyelele ou okwa fimana shaashi ohashi kwafele ovahongwa va shiive kutya otava ka longa oilonga ili ngahelipi monakudiwa.
“Ouyelele ou owa fimana yo kovalihongi vokoiputudilo yopombada okuyandja ouyelele wa wedwa po mwaasho taveli longele,” Shikulo ta ti.
Eyandjo louyelele womaifano otali ka ningilwa momukunda Eembaxu omo muna oshiputudilo paife.
Nust okwa ti ota lalakanene okuyandja ehongo lopombada kOvanamibia mwa kwatelwa ovo veli komikunda.
“Nust ota kwashipaleke kutya ehongo lopombada ola hangwa kwaaveshe, mwa kwatelwa ovo veli komikund. Eshi otashi ningwa mokweeta ehongo kuvo ponhele vaye vaka mone ehongo meedoolopa,” shikulo ta ti.
Nust melongelokumwe noMetropolitan otava ka yandja ouyelele kombinga yomaifano oshoyo okuyandja ouyelele nghene ovahongwa tava dulu okulipa oilonga kuvo vene navakwao.