Otjihungiriro tjotjimariva moMbongarero yOtjiwana tjaombo omba nganduu koritjavari ndima riyende tjinga ngunda ouṋepo au hiya muna otutuu tuatjo.
Omahaṋeno wotjimariva komekurisiro wokutwapo oviungura nu oupapi nouparanga okupwisa ehupo rOvanamibia oku kwatarewa momahaṋeno wotjimariva tjombura indji o-2025-2026.
Oministera ombe yOtjimariva nOzombatero zOmbwiro, Erica Shafuda, mehungi re etenga motjiṱo tje itji wa tjere nao. Tja raisire omahaṋeno wotjimariva tjohoromende ne tji twa kotjihungiriro mOmbongarero yOtjiwaṋa Oritjaine nda zuko. Ozondora za Namibia omatau o-106.3 N$ ombura ndji tji tja yeruruka nozoperesende o-4.9 uriri okuza ku itji tjombura ndja zuko tji tjari omatau o- . (onḓengu yotjimariva i pi?)
Mutjo tji tja kwizikirwa omekurisirio wombwiko okutuurungira momaungurisiro watjo komatungiro woviungurisiwa tjimuna ozondjuwo nomapwisiro womaturiro woumbenge; omahongero, omeva norutjeno noviungurisiwa vyouveruke. Tji tja tyerwa okupupaparisa nokusopora omaunguriro wombwiko kutja i yenene okuyandjera mehi ozombatero zombwiro. Mu mu nokutjurura nokutjevera ovanaukaiya. Novitjitwa vyokuvetjurura nokuvevatera wina ovaṱukare nokupangiṋa omitanda novitjitwa vyapeke. Tjingetjo tja tanderwa ovitjitwa vyokutunduuza omaunguriro wovikurya nokuhohiza nokuryamisa komurungu ovitjitwa vyOtutumbo nOvikunwa.
Omatau o-79.8 N$ ooyokukayendisa oviungura vyohoromende omatau o-12.8 N$ yomekurisiro omatau o3.2 N$ yayo ngeri owo woviungura vyomekurisiro zotjimariva tji matji zu motjiyazema notjouharupu ngunda omatau o-13.7 N$ ayeri yokusuta ozondendu zotjimariva otjiyazema. Otjimariva tjozoprojeka tje kuru nozoperesende o-22.6 N$ okuza ku itjo tjombura ndja zuko yotjimariva.
Oministeri yOmahongero, Omamemeno, Ovinangongo nOmbazu ondja munu otjimariva otjingitjingi tjomatau mozondora za Namibia o-24.8 N$. Kuyo amaku kongorere Orupa rOtjimariva nomatau o-14.6 N$ nOministeri yOuveruke nOviungura vyOmbwiro nomatau o-13.2 N$ poruveze orutjatatu mouingi motjimariva otjiungurisiwa motjikasuka iho otjitenga ngandu kombunda ombura indji motjimariva tji matji yarukirwa rukwao okutara kutja tjii hapo tja sasanekwa nawa otjikando itjo tjitenga. Nu ndoovazu kanao hapo otupa tu matu hepa okuwezirwa ootuṋe nu matu hepa vingapi. Nu wina otjikando ihi tjitenga tu twa havara otjingi tu twa ha ri amatu tji hepa ootuṋe? Kombunda yomatwiiro wokotjiriro mOmbongarero yOtjiwaṋa ondyero yotjimariva nambano otji ya utire okuhungirirwa otjiveke ihi, ngandu pu matji manukire okuhungirirwa.