Otjiuru tjOrupa rwOmahandurisiro nozondjakaha nḓa tjama nomahandurisiro mehi rakangamwa kehi yOuhonapare wOmbazu wOvambanderu pOmimbonde Vitano mOmaueuozonjanda tja Pukiro, Nanḓa Murangi, ma tja omirari ku ve ungurira omikahu kehi yOveta yEhi rakangamwa yo 2000.

Po siya tjiva imba mbarora poo mbe hungama no tjombanguriro ihi mavetja penombangu omirari moveta tji vitja naindi mowatjiri nai tjivyungura peheri imba Murangi pumatja otji viungura. Murangi ma tja tji pe nondjemeno kangamwa ndja yetwa rutenga ve itjanga kotjiveta, avetara mo tjazumba ave tjivisa ingwi ondjemeno ngu ya hungamisiwa. 

Pendje no ku mutjivisa momatjangwa wina pe norutuu rokumwisana rwokotjiveta ndu va sere okumuhindira tjinga porumwe tjinene pozonganda ape kara ovaungure okutjita ongahukiro kokutja omaisaneno nga kuye ya vaza. Pendje na nao wina ave pitisisa omambo korukwiko okutuurungira mOmurari wOndjivisiro Ombaranga.

 Ma tja ngwa hungamisiwa ondjemeno yoharive ndjo nandarire kokutja ka kara nondjivisiro aihe okuura karire kokutja u ri monḓorera kokutja ohunga naiye. U tjiukisiwa kutja wa rapotwa i karive ngo nokutja ohunga naiye poo notjikwaye. 

Kutja eye ma hepe okukerikakaturura kondjemeno ndji omuini. 

“Okutja nao tjandje ondjivisiro mousupi wayo u nayo ke ri monḓorera kaparukaze,” Murangi ma tja. 

Tji va vaza aveyevari omurapote nomurapotwa opu ve perwa oruveze auhe okuhandjauka otja tji ma handjauka. 

Okuza nokupuratena kuwo aveyevari tjazumba otjirata opu tji yarukira mokutja tjii hapo indji oveta itja vi. Ma tja oviposa ovingi mbi ve kara navyo vi rira ovyotumbo tu twa nanwa towina, moveta tu tu ha yandjerwa. 

Otjirata pu tji kondja kutja ndoovazu ovandu vevari mbo mba rapotasana nu mbu mave tjiwa kutja aveyevari va ungura pendje noveta kave na pu mave hakayenene ondjirakati. 

Kutja auhe ma yenene okuyarukira omukwao ombunda tjinga indji oveta otjiṋa aveyevari tji va tjita poo tji va ungura atji ri pendje noveta. 

“Mokutja oveta itja kape no’mundu ngwa sere okunana okamba novo va nana,” Murangi ma tja.