Otjirata tjOmahi wa Kangamua tja Hangwena tjautu okuhana otumbo tutuheri kotjiveta mOkarukondua ka Okongoi mOrukondua rua Ohangwena.

Otumbo atuhe o-22 tutuheri kotjiveta matuundjirwa okuhanewa okuza tjiyari 17 komweze imbwi, Tengarindi, ndari Oritjavari, nganduu tjiyeri 22 komweze imbwi, ndiri Osondaha indi. Oritjavari Omuhaamse wOtjirata, Wilhelmina Shakela opari potjirongo Onambila, pomautiro kotjiveta womahaṋeno wotumbo twopendje noveta. Ounepo wo kombanda yo-50 wOrupa rOvyungura Vyomitanda, National Youth Service, ombuma uvatere otjiungura itji. Mutjo pupena oporise okutjevera ovahaṋe. Tjitjautire Oritjavari kapari oveni votumbe twopendje noveta tu ma tu haṋewa. Otja kondjivisiro kavevanga oku rirunga muwo nondiero yOtjirata. 

Shakela matja Otjirata katjisupi tja tjangera imba mberi mehindo pendje noveta okuvetjivisa okuzamo muro. 

“ Kavenganga oku puratena. Mavemunu kokutja turi momanyando.” Naweza kutja Otjirata tja yakura omitjemo okuza kouṋepo wotjiwaṋa mbu hina ohange notumbo twopendje noveta tutu kawondjisiwa mozondendera zawo. 

“Ehi oromaryo karovandu kourike wawo okuturamo pendje noveta,” Shakela matja. 

Na weza kutja omahaneno wotumbo twopendje noveta mayekara movirongo pekepeke mOkarukondua ka Okongo na ningire ovandu okuhina okunana otumbo tutuheri kotjiveta. 

Popyenawa Djeimo wa Okambili uno nyune nomahaṋeno worumbo. “Nambano tuno omaryo ngayenene okurisira mo pvinamuinyo vyetu. Ondjiero ombwa yOtjirata tjOmahi wa Kangamua,” matja. Na we ko kutja ehi re weimuna okupitira momirari mbirivyo na ningirire varwe oku kongorera omirari tji ma ve hara ehi.

Ape oviveke vivari mbyakapita otjimbumba tjovandu okuza ko Okongo na Omundaungilo mOrukondua rwa Ohangwena vari nomaraisiro wonmyengo pe Eenhana nomahaneno wotumbo twehi ravo. Orutuu ronyengo rwa yandjerwe kOngooneya ya Ohangwena, Kadiva Hamutumwa. Vatjere otumbo tji twa hanewa ovo kanaa vekara poṋa pu ma vetja oo poyao. Omukambo imbwi wo ma haṋeno wotumbo mburi oku tjevera no ku tiza okuti komaryo, waÞunu kovandu ape wozonganda o-200.