Eveline de Klerk na Isabel Bento 

Ongooneya ya Erongo, Neville Andre, ma ningire omerityakaṋeno watjimanga tjinga ouhepe womeva morukondwa awa vaza pondondo onḓeu nongaro ndji mai tanda ehupo. 

Oruveze orure rombura ndji hi ya roka rwa twara konḓiro yovinamuinyo nai tombo ongwizikiro yovikurya. “Ouheṋa womeva iyemwe womatokero omanenene wetu. Ngunda apa kara ozongondjero, ohepero yokuhakahanisa omavasisiro womeva kaye nomayauziro,” Andre ma raisa nao. Ma tja Okomiti yOmeva yOruveze Rouzeu ya Erongo nai i uruke omatokero kaatjondumba muwo mu mu nomanyonokero womeva mena romaziziro wawo; omateyero woviungurisiwa owina pamwe nomatjakaneno womeva kouzororunga. 

Ourongo tjimuna Ouisa na Maruru mOutukondwa wOmatoororero wa Dauresa na Tjandjomboimue, u kondja nouheṋa womeva ouhimise ozombura hambondatu nai. Andre wa raisa ongendo ndji pombongarero oyarukire yoviungura ndji kara ko kombundo’ mieze vitatu avihe yotutumbo nOvikunwa. Ndjari mOtjozondjii. “Orukondwa rwetu ru muna ouzeu wourumbu wanagwise mbwa karere ko ozombura inḓa. Oruveze orure ronyota rwa ṱuna kovaṱuta, oviwaṋa vyokozombanda novinamuinyo nomasa,” Andre wa raere ovaungure vOministeri yOtuutmbo nOvikunwa. Ongendo onene Omberoo yOmeva Kozombanda okuhina okusekamena ouzeu tjimanga. “Ongono mokurityakaṋa ya isa oviwaṋa ovingi nongondjero yokumuna ombwiro onanḓengu indji. Ovaṱuta vetu, mberi etambo rokurikwizika novikurya nokurikareka mongorongova, ve hepa okuvaterwa tjimanga nokupewa okuwoko mozongaro inḓa,” ma weza ko. 

Ongooneya opu mai kwambere ko nomikambo vyatjimanga kutja omberoo yomeva wokozombanda i pewe omasa kutja okuwezirwa otjimariva, okuwezirwa ovaungure muyo poo okupangiṋiwa novipanginise vyarwe ama tja omberoo ndji noviungurisiwa oviwa nokuzirira kotuhepo nawa ohepero okupenga omareparisiro womauzeu.