Auleria Wakudumo
Minista womauyelele nomakwatafano opaungoba okwa patulula ongulu youdindoli, ongulu ya nuninwa oungoba osho yo ongulumambo kofikola yopedu Suiderhof, Etinhe mOvenduka.
Eengulu oda kosha oshimaliwa shi dule N$800 000. Eengulu oda tungwa moshinanena, da tulwa oilongifo yopaife, mwa kwatelwa oipelende itoka.
Efiku olo tuu olo, Theofelus okwa patulula yoo eengulu nhatu da wedwa po, osho yo eenhele dokulikoshela keenyala ngeenge ovahongwa tava longifa oilongifo youdindoli.
Eshi osha ningwa okupitila meenghono dovadali novakwashiwana vopomudingonoko eshi va tula oukuni kumwe, va ninga woxuxwa owoxuxwa, wefele owefele, ndele tava etapo eengulu odo.
Ongulu youdindoli, oya kosha ongushu yoshimaliwa N$800 000, ina oshipelende shitoka, oilongifo yehongo ya wedwapo, mwa kwatelwa oinamwenyo ya nhuninwa ehongo lovahongwa.
Theofelus okwa denga omufindo efimano lelongifo loungoba unene pefimbo lopaife.
“Ounona ngeenge ova kala hava longwa nghene vena okulongifa omalungula, nena otava kala vena omukumo okulongifa oikwamalungula opo va yambulepo elihongo lavo,” Theofelus ta ti.
Theofelus okwa wedapo ta ti elongo lonale olo nali la pumbwa eengulu do1994 itali dulu vali okulongifwa melongo lopaife, shaashi eli ola pumbwa vati oungoba wo2024.
Omukulunhufikola Alna Similo okwa pandula elongelo kumwe lovadali oshoyo ovakwashiwana, ta holola ta ti eengulu dipe otadi kwafele ovahongwa va mone eewino dihapu monakudiwa.
“Ovadali, elidopemo leni nomukumo ou muna mofikola yetu itau dulu okuyelekwa nashi. Tangi kelongelo kumwe nekeyakulo leni, olo tali tutu omukumo opo tu longe tweli tulamo, tu findile ounongo mounona vetu. Elineekelo momatokolo ofikola nekufombinga moinyangadalwa yofikola ya wedwapo otali nghonopaleke omudingonoko wetu,” Similo ta ti.