Oshiningwanima shi nyanyalifa shovahongifikola vavali vovalumenhu osha holoka koshitukulwa shaHangwena vati ve limangeleka mefiku limwe Etivali. 

Oonakufya aveshe inava fiya po omikanda tadi yandje ouyelele kombinga yomafyo avo. 

Ov atongololwa ovo Titus Nuuyi weedula 34, kwa li ta longele kofikola Enyana Combined School koshikandjohoololo shaKongo. 

Umwe okwa tongolwa oye Lukas Kalwenya weedula 39 kwa li ta longele kofikola Ohehonge Combined School moshikandjohoololo shaEenhana. 

Omukulunhu koshikondo shokukonakona oimbuluma wopolifi moshitukulwa shaHangwena omupedukomufala Melanie Mburu okwa koleka ta ti Kalyenwa okwe l mangelekela meumbo laye mokalikoshelo efimbo loufiku mEenhana. 

Olutu laye ole lituwa kovaneumbo vaye e li meemhango. 

Opolifi oya hokolola tai ti olutu laNuuyi ole lituwa kovanafikola li li meemhango kwa li tava ende mondjila va uka kofikola. 

Ovanafikola ova lotokela kovafikola ndele tava shivifile ovahongifikola pamwe naye. 

Natango Olomakaya moshitukulwa shaHangwena omulumenhu weedula 28 ou e li omuhongifikola Nestory Namhindo okwe limangeleka moixwa modoolopa yaEenhana. 

Okwa hokololwa tata ti Namhindo okwe lituwa e li meemhango moixwa kounona kwa li tava tyava oikuni. 

Otaku hokololwa kutya Namhindo okwa li a ya koilonga Etitano ashike kakwa li ta ulike e na omadidiliko okulimangeleka. 

Opolifi oya hokolola tai ti omuhongifikola Olomakaya okwa li ta kongwa komukainhu waye ou hava di naye meumbo limwe mEenhana ashike ongodi yaye oya dima. 

Okwa fiya po ounona vaye vavali nomakonakono opolifi otaa twikile. 

Opolifi oya kumaida ovalumenhu opo va kale tava ka kongo omakwafo kovaxungimwenyo osho yo kovafitaongalo molwaashi okulimangeleka kaku shi ekandulepo lomukundu. 

Omukulunhuwiliki wehongo moshitukulwa shaHangwena Isak Hamatwi okwa t i onghundana ei otai nyemateke nai yovahongifikola vovanyasha tave limengeleke. 

Okwa ti ombelewa yaye otai yandje omahekeleko keefamili doonakufya osho yo ovanafikola novahongifikola pamwe navo. 

Hamatwi okwa ti omafyo ovahongifikola ava otaa piyaneke elihongo lovanafikola. 

-fhamalwa@nepc.com.na