Ongudu yovalumenhu vaheyali, oyo ya shivika nawa ongovamati vokoixwa yaNafidi, vo vamwe tava ti 80’s Vocals, ova ti vo ounyakwa wokwiimba eemhoko meehango inave u deulilwa, ndele oshitalendi ashike shi li mohonde.
Umwe womuvo Talvi Mutilifa okwa ti vo nongudu yaye ova yelukile koshitukulwa shaHangwena, koixwa yaHelao Nafidi, mokati komikunda da yooloka.
Okwa twikila kutya inava mona lela omhito yokulihonga va ye keendodo dokokule, ova kala ashike hava longo eendjabi ngaashi okulima.
“Ngeenge hatu limi eendjabi, okwa li tu hole okwiimba oyiimbo yOshiwambo, unene yopamufyuululwakalo,” ta ti.
Vati mo2017, ova tameka okwiimba moivilo yakula ngaashi eehango, omo hava imbi ongovatumwa ile eendombwedi osho sha shivika ongeemhoko .
Konima vati oshitalendi shavo osha tameka okukula, yo noilonga yavo oya tameka okulimonikila moshiwana. Ovafuko vahapu unene kOukwanyama ova tameka oku va ninga, nghikupashukile, nghikumono ngeenge tava kongo ovaimbi veemhoko.
“Ongeshefa yetu osho nee ya tameka okukula ngaho novakwashiwana ova tameka oku tu lineekela noshinakuwanifa shokukala hatu twala eemhoko nokwiimba,” ta ti.
Eshi nee vati va kala noku shi endifa nawa mowela, vati ova tameka okudidilikwa kovanenenhu unene eehaende doo Kadhila Amoomo, Sisa Namandje, Paa Ntinda nooNambili Matta.
Ovanenenhu ava vati ove va yambidida noalubuma yavo yotete, oyo hai ufanwa “Ondjuulufi”. Okudja opo vati etemo ove litula komupini voo vene, no va dula oku etapo eelubuma dafika puhamano paife.
Paulus Absalom oo vati alanda eelubuma adishe da shikwa kovalumenhu ava okwa ti, odula ta hombola ina hala vali omhunu umwe teya oku mwenyeka oshivilo shaye eheshi ovamati vo 80s vocals.
“Onda kala nokutala oilonga yavo efimbo lile lela, nonda konenena nghee ihava fiye emanya lalonda kuli kwao,” ta ti.
Aamati vo 80s vocals ova yandjwa etwo mukumo koshiwana kutya oshitalendi shoye ota shi dulu oku kala osho omboloto yoye. Ovanhu va hapu inava dula oku shipondola monghalamwenyo, ashike ositalendi yavo, nayo otai dulu oku va kufa moluhepo.
Ova indila yo oshiwana shitwikile noku va sapota, moilonga yavo.
