Ovambanderu oveni otjomuhoko nambano omba pendukire onḓengu, ousemba noundu wawo nganduu tji mave paha kutja eraka rawo rOtjimbanderu mOtjauana r izemburukwe nokuvarwa otjomaraka ayehe wovakwatera va Tjauana. 

Nu tjinenenene omaraka wovakwatera inga nge ha varwa mena rouṱiṱi wotjivarero tjavo. Okaṋepo kondjuwo yozoveta ya Tjauana nondekurona yOvambanderu yOtjiṱiro Otjindjandja tjOvambanderu nOvaherero mOtjauana, Kenangura Hikuama, ma tja. Okutuurungura motungovi, katjisupi eye wa zirire komambo nge tja eye ongu hohiza nokutoka Ovambanderu mOtjauana okuuta okuzera nokupaha kokutja eraka rawo, Otjimbanderu wina tji tunduunge nokunenepara nokutja tji tongame otjomaraka warwe womihoko vyarwe mOtjauana, kutja omuṱiṱi motjivarero poo indee. Posi ya ndoovazu ovyo omikwatera tjimuna omikwawo vyarwe vi nousemba nu mavi roro okukara nousemba kutja omombazu ngandu keraka otjomikwawo avihe vyarwe mehi ndo. Katjisupi motungovi mwari etjangwa roumune mbau twa po ayo Hikuama onguri kongotwe yongondjero motjirwa tjOvambanderu mOtjauana okutunduuza eraka rawo. Ma tja oumune mbo kau nomize nu oupukise. “Omuhoko wOvambanderu ve hingwa i yokupenduka mozombonḓu zouvi nozondjo kwawo oveni, nokusekama otjomundu umwe ke he ri okuriṋangera komundu kourike we omuini. Otji mba kurama mba okunakaura ozongondjero zokuṱiza ondjendo nombwaneno yetu. Otjirwa tjomazemburukiro weraka tji nomize motjirumatwa tjawo nomausemba wawo, kamoumbambairi wa Hikuama omuini otjomuzapamwe Uerikua Matundu, ami ngu me haka kutja kangu ri ye monyama, otja tji ma vanga kokutja tu pe twaerere nao,” Hikuama ma tja. 

Na ryama komurungu kutja Otjokaṋepo kondjuwo yozoveta ku kekuramenapo Omau kOutokero, nomunane mehi, eye u ungurira omihoko avihe. “Oṋiṋikizire yeraka rOtjimbanderu rizemburukwe ongondjero omuhoko mbu u undura ouini nokuhina okuhonaparerwa po, amau raisa omutongatima wOvambanderu oveni notjirumatwa tjawo, nokuyeneneka onḓero yehi yomaṱekisiro pamwe womihoko.” 

Otjauana ra tanda okuṱekisa omihoko avihe pamwe ngandu kombazu yavyo. Ngandu nandarire onganda yomahongero wokombanda mehi ndo tji ye ripurire okuhonga eraka rozondekurona zOvaherero nOvambanderu mehi ndo otjOtjiherero- Otjimbanderu. Tjeri otjiṋa tji tja pendura eyeye mokati kozondekurona ozeni okuza mOtjauana orini ngandu mOnamibia. Tjingetjo wina onganda yozombuze yehi ndo ya uta nozombuze zOtjiherero. Tjingetjo wina mOtjimbanderu maze kongorere kangamwa oruveze ndoovazu ngunda kaze ya uta tjinga ombura ndja zuko aya utire norukosi rokuṋangaṋanga ovandu okuza motjiwaṋa otjovaungure vombuze mOtjimbanderu.