Auleria Wakudumo

Ovanafikola okudja keefikola domoshikandjo shaNgwediva ova hoolola ookansela pamufika wovanafikola vape ovo tave va kalele po melelo lodoolopa neudo. 

Ookansela ava otava ka kalela po vakwao mokukundafana oinima oyo tai fininike ounona momaumbo, mofikola osho yo momidingonoko davo.  Omutumba wookansela vounona ou na oilyo iheyali ngaashi mayola, omupedumayola, hamushanga, noilyo inhe ya wedwa po. 

Omupopiliko welelo lodoolopa yaNgwediva, Ottilie Shingenge okwa holola kutya neudo mayola wookansela vounona oye Etuhole Phillemon, omuhongwa e li mondodo onhimuwoi kOshana Gymnasium. 

“Omanga omupedu waye, oIyaloo Paulus, eli mondodo 11 kOngwediva Secondary School. 

Hamushandja Krist Mukunisha, okwa dja koGabriel Taapopi noku li mondodo 11,” Shingenge ta ti. 

Omanga wookansela vounona William Viassi, e li mondodo 10 poMaurits Devenish, Selma Amweelo e li mondodo onhihamano poHashiyana Primary School, Lonia Ashikodhi e li mondodo onhimuwoi poCharles Anderson naKourteney Renton omuhongwa poKleinne Kuppe, eli mondodo onhihetatu va ninga oilyo yomutumba wookansela vopedu neudo.

Ovanafikola ova pewa omadeulo kovanambelewa velelo lodoolopa yaNgwediva oule womafiku avali, va tameka mo26 fiyo 27 Apilili neudo monhele yokushingifa oipindi mOngwediva.  Ovahongwa ova pewa owino nghene ve na okukala ve na ewiliko liwa, va kale tava longo noudiinini nonelitulemo, omakwatafano awa moilonga nghene ve na okupopya va manguluka komesho yovanhu nanghene ve na okukwatafana vovanhu. 

Ookansela vounona vopedu otava ka kalela po vakwao oule wodula, fiyo omuDesemba 2025. -wakudumoauleria@gmail.com