Taimi Haihambo

Elelodoolopa lOutapi opamwe nehangano lakula lokulandifa eetuwa moNamibia Pupkewitz Motors ova yandja omaano kofikola yedina Outapi Primary moshitukulwa shaMusati.

Omupopilko wodoolopa Joolokeni Haidula okwa ti omahangano aa okwa yandja omaano oipakete yomeva, oukunwa wokuyandja eenghono osho yo oundini womeva.

Omahanago aa vati okwa twa kumwe mokulongela ofikola ei ouwa woludi eli konima eshi ofikola ye va lilila oluhepo lekwafo, loku kwafa ounona ava hava kufa ombinga momafiyafano okulotoka.

“Eefikola meni loshitukulwa odi na oudano wa yooloka nowa ninunwa ounona ve li koshi yeedula 15, hau ningwa keshe odula,” ta ti.

Oudano ou ohau kala wa nuninwa eefikola opo di kale di na ekwatafano liwa moshitukulwa nokutunga oukaume muwa.

Natango ohashi pe yo ovanafikola omhito yokulideula  osho yo okuulika oitalendi yavo oyo tai dulu oku va twala kokule meenghalamwenyo davo, unene ngeenge tashi ya koshikondo shehongo.

Omaudano aa okwa tengenekwa a ka kale ko mo 31 Kotoba fiyo 2 Novemba, pokapale koudano pofikola yaOutapi Primary.

-taimihaihambo2000@gmail.com