Tjiṱa tji zembwa; tji riwa pepwa tji tji ha yanda tji huna. Omukandi wozombura esere za Pukiro kehi woveni vomumenga mokutja ombe ya nourizemburuka mbwi, mau ya komayandero omayuva womasuviro nga Oroviungura na Sondaha tji maye papeke otjikamo konyungu.

Kombunda yovinyoko novihoveka vyotjiveke atjihe okuza kOritjavari ozonganda pekepeke nḓu maze raisa oviungura vyazo tji za utire okusembamisa ozondanda zazo. Otjiveke tji tja zuko tjandje Ovambanderu ava karere novitjitwa vyawo kuwo oveni okuza nokuhaṋika okapyoṋa noina notjitjitwa tji tja sere otji tjiri kainayovitjitwa. 

Mombitasaneno yokutja tjii hapo orutjindo rwari orOvambanderu poo orovandu avehe mba ya kEpukiro mu mwari ozonganda pekepeke ozengi zazo nḓe ha ri ozOvambanderu. 

Omune umwe kau na koṋa kwarwe ku ma urike pendje na mOrata yOkarukondwa kOmatoorore ka Pukiro, Packey Pakarae nOngooneya ya Maheke, Pijoo Nganate. 

Mbe ya nourizemburuka ouyere kutja omazembukiro inga yerire yovandu avehe va Pukiro poo mbe norupe na Pukiro otjozosianda zaimba mbari morutjindo nungwari ndinondi mba handjauka omahi nomahi. Kutja ndino ndi otjitjitwa tji tja sere kutja itjimwe vi rire vivari. TjOvambanderu kuwo oveni kourike wawo  na varwe mu muna ozondekurona zozonganda tji va zazo Hoveka; Tjiueza; Kanḓirikirira;  Maharero; Tjituka; Kaimu; Kavaka; Tjeja; Tjejamba; Kandovazu; Kahuikee; Muundjua; Tjozongoro; Kavita; na Kaunatjike. 

Tjingetjo wina omunue kau nokukara au hi nokuurika movasembamise mu muna omauhonapare wozombazu pekekepe mokutja mape munika ayo omananasaneno omanene poo nandarire omundu ngu mo yenene okutja kaya ri ohepero ayari pondondo indji ovanane varwe okuhina okuvatera. 

Nandarire momirungu vivari tjiva vawo mbi va raisire motjiṋa hi. Embo ri urisiwe kokutja nangwari Epukiro kari nomayameno nomayeuriro tjinga orini amape munika ayo nangwari kari roro okurirora. Omekurisiro waro ye kare kombunda otja tji ye ri nga kundino ndi.